ആദിത്യ ഫിലിംസിന്റെ ബാനറിൽ മായാ ശിവ നിർമ്മിച്ച് ദമ്പതികളായ മായ ശിവയും ഭർത്താവ് ശിവ നായരും ചേർന്ന് സംവിധാനം ചെയ്യുന്ന സസ്പെൻസ് ഹൊറർ ത്രില്ലർ ചിത്രം ‘ദി മിസ്റ്റേക്കർ ഹൂ’ മെയ് 31- ന് തിയ്യേറ്ററുകളിൽ പ്രദർശനത്തിന് എത്തും. ചിത്രത്തിൽ നായകനായി എത്തുന്നത് ഇരുവരുടെയും മകൻ ആദിത്യ ദേവ് ആണ്. മെയ്ഡ് ഇൻ ട്രിവാൻഡ്രം എന്ന ചിത്രമാണ് ഇവർ മുൻപ് സംവിധാനം ചെയ്ത സിനിമ. ചിത്രത്തിന്റെ സാങ്കേതികതയിലും മറ്റ് അണിയറ പ്രവർത്തനങ്ങളിലും സജീവമാണ് ഈ കുടുംബം.
കുടുംബത്തിന്റെ തകർച്ചയ്ക്ക് കാരണക്കാരായവരോട് പകരം വീട്ടാൻ ഇറങ്ങുന്ന നായകനാണ് പ്രധാനകഥാപാത്രം. ദയ, അഡ്വ: രാജീവ് കുളിക്കിലേരി, ശ്രീലത, ക്രിസ്റ്റീന, ബിപിൻ, ബിജു, തുടങ്ങിയവരും ചിത്രത്തിൽ പ്രധാനകഥാപാത്രങ്ങളായി എത്തുന്നു. കഥ, തിരക്കഥ,ഗാനരചന, സംഗീതം തുടങ്ങിയവയും മായ ശിവ നിർവഹിക്കുന്നു. ഛായാഗ്രഹണം മായ ശിവ, എഡിറ്റിങ് ആദിത്യ ദേവ്.
