മലയാള സിനിമയിലെ ആദ്യകാല നായിക നെയ്യാറ്റിൻകര കോമളം അന്തരിച്ചു

മലയാള സിനിമയിലെ ആദ്യകാല നായികയായിരുന്ന നെയ്യാറ്റിൻകര കോമള മേനോൻ അന്തരിച്ചു. 96- വയസ്സായിരുന്നു. ഹൃദയസംബന്ധമായ അസുഖത്തിന് ചികത്സയിലായിരുന്നു. പാറശാലയിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം. പ്രേം നസീറിന്റെ ആദ്യനായിക ആയി അഭിനയിച്ചത് കോമളം ആയിരുന്നു. വനമാല എന്ന ചിത്രത്തിലൂടെയാണ് കോമളം ചലച്ചിത്ര ലോകത്തേക്ക് ആദ്യ ചുവട് വയ്ക്കുന്നത്. അബ്ദുൽഖാദർ എന്ന പേരിൽ പ്രേംനസീർ ആദ്യമായി നായകനായി അഭിനയിച്ച മരുമകളിൽ കോമളം നായികയായി എത്തിയ മൂന്നാമത്തെ ചിത്രമായിരുന്നു. 1955 ൽ പി. രാമദാസ് സംവിധാനം ചെയ്ത ന്യൂസ് പേപ്പർ ബോയി, ആത്മശാന്തി, സന്ദേഹി തുടങ്ങി ഏതാനും ശ്രദ്ധേയ സിനിമകളിൽ അഭിനയിച്ചിട്ടുണ്ട്.