ഒമർ ലുലു ചിത്രം ‘ബാഡ് ബോയ്സ്’; റഹ്മാൻ, ധ്യാൻ ശ്രീനിവാസൻ, ഷീലു അബ്രാഹാം പ്രധാനകഥാപാത്രങ്ങൾ

അബാം മൂവീസിന്റെ ബാനറിൽ ഷീലു അബ്രഹാം നിർമ്മിച്ച് ഒമർ ലുലു സംവിധാനം ചെയ്യുന്ന ചിത്രം ബാഡ് ബോയ്സിൽ റഹ്മാൻ, ധ്യാൻ ശ്രീനിവാസൻ, ഷീലു അബ്രാഹാം തുടങ്ങിയവർ പ്രധാനകഥാപാത്രങ്ങളായി എത്തുന്നു. എഴുപുന്നയിൽ വെച്ച് ചിത്രത്തിന്റെ ടൈറ്റിൽ ലോഞ്ചിങ് നടന്നു. ഒരു കോമഡി ഫയൻ എന്റർടൈനർ ചിത്രമായിരിക്കും ബാഡ് ബോയ്സ്. ബാബു ആൻറണി, മല്ലിക സുകുമാരൻ, ടിനി ടോം, അജു വർഗീസ്, ഹരിശ്രീ അശോകൻ, ബിബിൻ ജോർജ്ജ്, ശരത് സഭ, സെന്തിൽ കൃഷ്ണ, രമേശ് പിഷാരടി, രവീന്ദ്രൻ, തുടങ്ങിയവരാണ് മറ്റ് പ്രധാന അഭിനേതാക്കൾ. അഡാർ ലവ് എന്ന ചിത്രത്തിന് തിരക്കഥ എഴുതിയ സാരംഗ് ജയപ്രകാശ് ആണ് ബാഡ് ബോയസിനും തിരക്കഥ ഒരുക്കുന്നത്. ഛായാഗ്രഹണം ആൽബി, സംഗീതം വില്യം ഫ്രാൻസിസ്, എഡിറ്റിങ് ദിലീപ് ഡെന്നീസ്.