എലമെന്‍റ്സ് ഓഫ് സിനിമാസിന്‍റെ ബാനറില്‍ സംവിധായകരായ മാര്‍ത്താണ്ഡനും അജയ് വാസുദേവും എം ശ്രീരാജ് എ കെ ഡിയും ചേര്‍ന്ന് നിര്‍മ്മിക്കുന്ന ചിത്രത്തില്‍ ഷൈന്‍ ടോം ചാക്കോ പ്രധാന കഥാപാത്രമായി എത്തുന്നു. ഇഷ്ക് എന്ന ചിത്രത്തിന് വേണ്ടി തിരക്കഥ ഒരുക്കിയ രതീഷ് രവിയാണ് ഈ ചിത്രത്തിനും തിരക്കഥ ഒരുക്കിയിരിക്കുന്നത്. നവാഗതനായ ശിഫാസ് അഷ്റഫ് സംവിധാനം ചെയ്യുന്ന ചിത്രത്തിന്റെ ഫസ്റ്റ് ലുക്ക് പോസ്റ്ററാണ് പുറത്തിറങ്ങിയിരിക്കുന്നത്.
ജാഫര്‍ ഇടുക്കി, ഹരിശ്രീ അശോകന്‍, തുടങ്ങിയവരും ചിത്രത്തില്‍ മറ്റു പ്രധാന കഥാപാത്രങ്ങളായി എത്തുന്നുണ്ട്. കൊച്ചി ഹോളിഡെ ഇന്നില്‍ വെച്ച് ചിത്രം ലോഞ്ച് ചെയ്യുന്ന ചടങ്ങില്‍ നിരവധി പ്രമുഖ താരങ്ങളാണ് പങ്കെടുത്തത്. ഛായാഗ്രഹണം അഭിലാഷ് ശങ്കര്‍, സംഗീതം ബിജിപാല്‍, രചന രാജീവ് ആലുങ്കല്‍.
