വിഷ്ണുവിന് ഇത്രവലിയ അംഗീകാരം കിട്ടുന്നത് തനിക്ക് അവാര്‍ഡ് കിട്ടുന്നത് പോലെ- ഉണ്ണി മുകുന്ദന്‍

69- ദേശീയ പുരസ്കാരത്തില്‍ മികച്ച നവാഗത സംവിധായകനുള്ള ഇന്ദിരാഗാന്ധി പുരസ്കാരം മേപ്പടിയാന്‍ എന്ന ചിത്രം സംവിധാനം ചെയ്ത വിഷ്ണു മോഹന് ലഭിച്ചു. വിഷ്ണുവിന് ഈ അംഗീകാരം ലഭിച്ചതില്‍ ഏറെ സന്തോഷമുണ്ടെന്ന് ചിത്രത്തിലെ നായകനായി അഭിനയിച്ച ഉണ്ണി മുകുന്ദന്‍ പറഞ്ഞു. മേപ്പടിയാന്‍റെ നിര്‍മാതാവ് കൂടിയാണ് ഉണ്ണി മുകുന്ദന്‍. ‘ജീവിതത്തില്‍ ഇത്രയധികം ടെന്‍ഷന്‍ ഉണ്ടായിട്ടില്ല വളരെയധികം സന്തോഷം. വളരെ കഷ്ടപ്പെട്ടു ചെയ്ത സിനിമയാണ് മേപ്പടിയാന്‍. ഒരുപാട് കാര്യങ്ങള്‍ പറയാനുണ്ട്. തുടക്കം മുതല്‍ കൂടെ നിന്ന എല്ലാവര്‍ക്കും നന്ദി. പ്രൊഡക്ഷനെക്കുറിച്ച് വലിയ ധാരണ ഉണ്ടായിരുന്നില്ല. പക്ഷേ വിഷ്ണു സംവിധായകന്‍ എന്നതിലുപരി കൂടെ നിന്നു. ദേശീയ തലത്തില്‍ വിഷ്ണുവിന് ഇത്ര വലിയ അംഗീകാരം കിട്ടുന്നത് തനിക്ക് അവാര്‍ഡ് കിട്ടുന്നതിന് തുല്യമാണ്. സിനിമ വിജയിപ്പിച്ച എല്ലാവര്‍ക്കും നന്ദി- ഉണ്ണിമുകുന്ദന്‍ പറഞ്ഞു.