എയ്സ് ഓഫ് ഹാർട്ട് സിനി പ്രൊഡക്ഷൻസിന്റെ ബാനറിൽ സജീർ ഗഫൂർ നിർമ്മിച്ച് എ എൽ അർജുൻ ശങ്കറും പ്രശാന്ത് നടേശനും തിരക്കഥ എഴുതി വാസുദേവ് സനൽ സംവിധാനം ചെയ്യുന്ന ഏറ്റവും പുതിയ ചിത്രം ‘അന്ധകാരാ’യുടെ ഫസ്റ്റ് ലുക്ക് പോസ്റ്റർ പുറത്തിറങ്ങി. ഇരുവട്ടം മണവാട്ടി, പ്രിയം, ഗോഡ്സ് ഓൺ കൺട്രി, ഹയ തുടങ്ങിയ ശ്രദ്ധേയ സിനിമകൾ സംവിധാനം ചെയ്തിട്ടുണ്ട് വാസുദേവ് സനൽ.
സിനിമയുടെ പേര് പോലെ തന്നെ ഒരു വയലൻസ് ത്രില്ലർ മൂവീയാണ് ‘അന്ധകാരാ’. ദിവ്യ പിള്ളയാണ് ചിത്രത്തിൽ പ്രധാന വേഷത്തിൽ അഭിനയിക്കുന്നത്. വിനോദസാഗർ, ആൻറണി ഹെന്റി, ചന്തുനാഥ്, അജീഷ പ്രഭാകരൻ, മെറീന മൈക്കിൾ, ധീരജ് ഡെന്നി, സുധീർ കരമന, ജയരാജ് കോഴിക്കോട്, കെ ആർ ഭരത് തുടങ്ങിയവരും പ്രധാന കഥാപാത്രങ്ങളായി എത്തുന്നു. ഛായാഗ്രഹണം മനോ വി നാരായണൻ, എഡിറ്റിങ് അനന്ദു വിജയ്, സംഗീതം സ്റ്റിൽസ്- ഫസൽ ഉൾ ഹക്ക് .
