സിന്റോ ആൻറണി സവിധാനം ചെയ്യുന്ന പുഞ്ചിരി മുറ്റത്ത് ഇട്ടിക്കോര എന്ന ചിത്രത്തിന്റെ പൂജ ചടങ്ങുകൾ കൊച്ചിയിലെ റോയൽ ട്രൈബ്യൂട്ട് സ്യൂട്ടിൽ വെച്ച് നടന്നു. ബിജു ആൻറണിയുടെ ബെൻഹർ ഫിലിംസ് എന്ന പുതിയ ചലച്ചിത്ര നിർമ്മാണ കമ്പനിയാണ് ചിത്രം നിർമ്മിക്കുന്നത്. ബെൻഹർ ഫിലിംസ് എന്ന പുതിയ ചലച്ചിത്ര നിർമ്മാണ കമ്പനിയുടെ ലോഞ്ചിങ് സെഞ്ച്വറി കൊച്ചുമോൻ നിർവഹിച്ചു. ലിസ്റ്റിൻ സ്റ്റീഫൻ, ആൽവിൻ ആൻറണി, എന്നിവർ ആശംസകൾ നേർന്നു. കെ യു മനോജ് ഭദ്രദീപം കൊളുത്തി. സാബു ഓപ്സ് ക്യൂറസ്വിച്ചോൺ കർമ്മവും ആദ്യകാല ചലച്ചിത്രപ്രവർത്തകനായ ജോസ് കൊടിയൻ ഫസ്റ്റ് ക്ലാപ്പും നല്കി.
നഗരജീവിതത്തിനും സൌഹൃദത്തിനും ഇടയിലേക്ക് പുഞ്ചിരിയുമായി ഇട്ടിക്കോര കടന്നുവരുന്നതാണ് ചിത്രത്തിന്റെ പ്രമേയം. ഹന്നാ റെജി കോശിയാണ് ചിത്രത്തിൽ നായികയായി എത്തുക. ജാഫർ ഇടുക്കി, വിനീത് തട്ടിൽ, കലാഭവൻ റഹ്മാൻ, ആർട്ടിസ്റ്റ് കുട്ടപ്പൻ, മനോഹരിയമ്മ, കെ ജയദീഷ്, സജിൻ ചെറുകയിൽ, ഷിനു ശ്യാമളൻ, പ്രമോദ് വെളിയനാട്, എന്നിവർ ചിത്രത്തിൽ പ്രധാനകഥാപാത്രങ്ങളായി എത്തുന്നു. നവംബർ 6- ന് ചിത്രീകരണം ആരംഭിക്കും. സംഗീതം ശങ്കർ ശർമ്മ, ഛായാഗ്രഹണം റോജോ തോമസ്, എഡിറ്റിങ് അരുൺ.
