മഞ്ജു വാരിയരെ കേന്ദ്രകഥാപാത്രമാക്കി സൈജു ശ്രീധരൻ സംവിധാനം ചെയ്യുന്ന ആദ്യ ചിത്രം ഫൂട്ടേജി’ന്റെ ഫസ്റ്റ് ലുക്ക് പോസ്റ്റർ റിലീസായി. പോസ്റ്ററിൽ വിശാഖും ഗായത്രിയുമാണ് ഉള്ളത്. എഡിറ്റർ കൂടിയാണു സൈജു ശ്രീധരൻ. അഞ്ചാം പാതിരാ, മഹേഷിന്റെ പ്രതികാരം, കുമ്പളങ്ങി നൈറ്റ്സ് എന്നീ ചിത്രങ്ങൾക്ക് വേണ്ടി എഡിറ്റിങ് നിർവഹിച്ചത് സൈജു ശ്രീധരനാണ്.
മൂവി ബക്കറ്റ്, കാസ്റ്റ് ആൻഡ് കോ, പെയിൽ, ബ്ലൂ ഡോട്ട് പിക്ചേഴ്സ്, എന്നിവയുടെ ബാനറിൽ സൈജു ശ്രീധരൻ, ബിനീഷ് ചന്ദ്രൻ എന്നിവർ നിർമ്മിക്കുന്ന ചിത്രമാണ് ഫൂട്ടേജ്. ശബന മുഹമ്മദ്, സൈജു ശ്രീധരൻ തുടങ്ങിയവരുടേതാണ് തിരക്കഥയും സംഭാഷണവും. ഛായാഗ്രഹണം ഷിനോസ്, എഡിറ്റിങ് സൈജു ശ്രീധരൻ, പശ്ചാത്തല സംഗീതം സുഷിൻ ശ്യാം.
