‘കൊറഗജ്ജ’ ദൈവത്തിന്റെ കഥപറയുന്ന ചിത്രവുമായി സുധീർ അത്താർ

കർണാടകയിലെ (തുളു ) ഒരു ജനവിഭാഗം ആരാധിച്ചു പോന്ന ദേവതകളിൽ ഒന്നായ ‘കൊറഗജ്ജ’ ദൈവത്തിന്റെ കഥപറയുന്ന ചിത്രവുമായി സുധീർ അത്താർ. സാഹിത്യ അക്കാദമി അവാർഡ് ജേതാവും ചലച്ചിത്രസംവിധായകനുമാണ് ഇദ്ദേഹം. നിരവധി സംവിധായകർ ‘കൊറഗജ്ജ’ എന്ന പേരിൽ ഇതേ കഥപറയുന്ന ചിത്രംസംവിധാനം ചെയ്യാൻ ശ്രമിച്ചു എങ്കിലും അതൊക്കെ പാഴായി പോയിരുന്ന ഇടത്ത് നിന്നാണ് സുധീർ അത്താർ ഈ ചിത്രം സംവിധാനം ചെയ്ത് റിലീസിന് ഒരുങ്ങുന്നത്. സക്സെസ്സ് ഫിലിംസും ത്രിവിക്രമ റിലീസും ചേർന്ന് മലയാളം, തെലുങ്ക്,ഹിന്ദി, തുളു, തമിഴ്, തുടങ്ങിയ അഞ്ച് ഭാഷകളിലായി ചിത്രം തിയ്യേറ്ററുകളിലേക്ക് എത്തും. 800- വർഷങ്ങൾക്ക് കാലത്തെ മുൻ നിർത്തിയുള്ള കഥയാണ് പ്രമേയം. കബീർ ബേദി ആണ് ചിത്രത്തിൽ പ്രധാനകഥാപാത്രമായി എത്തുന്നത്. സന്ദീപ് സോപാർക്കർ, ഗണേഷ് ആചാര്യ, ശ്രുതി, ഭവ്യ, നവീൻ ഡി പട്ടേൽ എന്നിവർ മറ്റ് പ്രധാന റോളുകളിൽ അഭിനയിക്കുന്നു. ഗോപി സുന്ദർ ആണ് പശ്ചാത്തല സംഗീതവും സംഗീതവും. ഛായാഗ്രഹണം മനോജ് പിള്ള, എഡിറ്റിങ് ജിത് ജോഷ്, വിദ്യാധർ ഷെട്ടി.