മമ്മൂട്ടിയും ജ്യോതികയും പ്രധാന കഥാപാത്രങ്ങളായി എത്തി ഗംഭീരപ്രകടനം കാഴ്ച വെച്ച സിനിമ ‘കാതൽ’ തിയ്യേറ്ററുകളിൽ വിജയകരമായി പ്രദർശനം തുടരുന്നു. കാതൽ ഒരു കുടുംബ ചിത്രമാണെങ്കിലും അത് കൈകാര്യം ചെയ്യുന്ന വിഷയം സമൂഹികപരമാണെന്ന് ചിത്രം കണ്ടിറങ്ങിയ പ്രേക്ഷകർ അഭിപ്രായപ്പെടുന്നു. പുതിയ കാലത്ത് ചർച്ച ചെയ്യേണ്ട രാഷ്ട്രീയം ഉറക്കെ വിളിച്ചു പറയുന്ന സിനിമ, കാതലിലെ അഭിനേതാവായ മമ്മൂട്ടിക്ക് മാത്രമല്ല, നിർമാതാവായും മമ്മൂട്ടിയ്ക്കും കയ്യടിക്കുകയാണ് പ്രേക്ഷകർ. മികച്ച സംവിധാനമികവുകൊണ്ട് ജിയോ ബേബി ചിത്രത്തെ ഗംഭീരമായി പ്രേക്ഷകർക്ക് നല്കിയിട്ടുണ്ട്.
മമ്മൂട്ടിയുടെത് ഗംഭീര പ്രകടനം ആണെന്ന് സിനിമ കണ്ടിറങ്ങിയ പ്രേക്ഷകർ പറഞ്ഞു. ഇതുവരെയും മറ്റ് അഭിനേതാക്കളാരും പരീക്ഷിച്ചിട്ടില്ലാത്ത കഥാപാത്രം. ക്വീർ പൊളിറ്റിക്സ് എന്ന സാമൂഹികമായി വിഷമം പിടിച്ച പ്രമേയത്തെ ധൈര്യപൂർവം കൈകാര്യം ചെയ്തിരിക്കുകയാണ് സംവിധാനം ചെയ്ത ജിയോ ബേബിയും അഭിനയിച്ച മമ്മൂട്ടിയും ജ്യോതികയും.
