മനു രാധാകൃഷ്ണൻ ആദ്യ സ്വതന്ത്ര്യ സംവിധായകനായി എത്തുന്ന ചിത്രം ‘ഗു’ ഒഫീഷ്യൽ പോസ്റ്റർ പുറത്തിറങ്ങി. ഗുളികൻ തെയ്യത്തിന്റെ മുഖം മൂടിയിട്ട ദേവനന്ദയാണ് പോസ്റ്ററിൽ. മലബാറിലെ പുരാവൃത്തമായ തെയ്യമാണ് ചിത്രത്തിന്റെ പശ്ചാത്തലം. അവധിക്കു അച്ഛനും അമ്മയ്ക്കുമൊപ്പം നാട്ടിലെ തറവാട്ടിലെത്തുന്ന മിന്ന എന്ന പെൺകുട്ടിക്കും അവളുടെ കൂട്ടുകാർക്കും അനുഭവമാകുന്ന ചില സംഭവങ്ങളിലൂടെ അരങ്ങേറുന്ന കഥാപശ്ചാത്തലമാണ് ‘ഗു’ വിലേത്. സൈജു കുറുപ്പ് മിന്നയുടെ അച്ഛനായും അശ്വതി മനോഹരൻ അമ്മയായും വേഷമിടുന്നു. പട്ടാമ്പിയിലും പരിസര പ്രദേശത്തുമായി ചിത്രത്തിന്റെ ഷൂട്ടിംഗ് നടന്നു.
നിരഞ്ജ് മണിയൻ പിള്ള രാജു, നന്ദിനി ഗോപാലകൃഷ്ണൻ, രമേശ് പിഷാരടി, ലയോ സിംസൺ തുടങ്ങിയവരാണ് ചിത്രത്തിലെ മറ്റ് അഭിനേതാക്കൾ. സംഗീതം ജോനാഥൻ ബ്രൂസ്, ഛായാഗ്രഹണം ചന്ദ്രകാന്ത് മാധവൻ, എഡിറ്റിങ് വിനയൻ എം ജെ.
