സുരേഷ് ഗോപിയും ബിജു മോനോനും പ്രധാന കഥാപാത്രങ്ങളായി എത്തുന്ന ത്രില്ലർ മൂവി ഗരുഡൻ നവംബർ മൂന്നിന് തിയ്യേറ്ററുകളിൽ പ്രദർശനത്തിന് എത്തും. സുരേഷ് ഗോപിയും ബിജു മേനോനും ഒരിടവേളയ്ക്ക് ശേഷം ഒന്നിക്കുന്ന ഈ ചിത്രം സംവിധാനം ചെയ്തിരിക്കുന്നത് അരുൺ വർമ്മയാണ്. മാജിക് ഫ്രയിംസിന്റെ ബാനറിൽ ലിസ്റ്റിൻ സ്റ്റീഫൻ നിർമ്മിക്കുന്ന ചിത്രത്തിൽ നായികയായി എത്തിയത് അഭിരാമിയാണ്. മിഥുൻ മാനുവലാണ് ചിത്രത്തിന് തിരക്കഥ ഒരുക്കിയിരിക്കുന്നത്. അഞ്ചാം പാതിരയാണ് മിഥുൻ മാനുവല് തിരക്കഥ ഒരുക്കിയിരിക്കുന്ന മറ്റൊരു സിനിമ.
ചിത്രത്തിൽ സിദ്ദിഖ്, ദിവ്യ പിള്ള, ജഗദീഷ്, ദിലീഷ് പോത്തൻ, തുടങ്ങിയവർ പ്രധാന വേഷത്തിൽ എത്തുന്നു. ക്യാമറ ഡേവിഡ് കാച്ചപ്പിള്ളി, കഥ ജിനേഷ് എം, സംഗീതം ജെയ്ക്സ് ബിജോയ്, എഡിറ്റിങ് ശ്രീജിത്ത് സാരംഗ്.
