തിയ്യേറ്റർ റിവ്യു ഇനിമുതൽ അനുവദനീയമല്ല എന്ന കർശന നിലപാടിലുറച്ച് ചലച്ചിത്ര നിർമ്മാതാക്കൾ. സിനിമാ റിവ്യു ബോംബിങ്ങിനെതിരെ ശക്തമായി യോഗത്തിൽ പ്രതികരിച്ചു. നിർമ്മാതാക്കളുടെ സംഘടനകളുടെ അക്രെഡിറ്റേഷൻ നിർബന്ധമാക്കുക, സിനിമയുടെ വ്യാജ പതിപ്പുകൾ പ്രചരിപ്പിക്കുന്നവർക്കെതിരെ നടപടികൾ സ്വീകരിക്കുക തുടങ്ങിയ നയങ്ങൾ നടപ്പിലാക്കുമെന്ന് വെളിപ്പെടുത്തി.
ഓൺലൈനിൽ വരുന്ന നെഗറ്റീവ് സിനിമ റിവ്യു കാരണം വൻനഷ്ടം ചലച്ചിത്ര പ്രവർത്തകർക്ക് അനുഭവിക്കേണ്ടതായി വന്നിട്ടുള്ള സാഹചര്യത്തിലാണ് നിർമ്മാതാക്കൾ പുതിയ നിയമനടപടികളുമായി മുന്നോട്ട് പോകാനുള്ള തീരുമാനം സ്വീകരിച്ചത്. ഓൺലൈൻ നെഗറ്റീവ് റിവ്യുകൾക്ക് ആജീവനാന്തവിലക്ക് ഏർപ്പെടുത്തുവനാണ് തീരുമാനം. ഈ സാഹചര്യത്തിൽ ഫെഫ്കയും പ്രൊഡ്യൂസേഴ്സ് അസോസിയേഷനും ബുധനാഴ്ച യോഗം ചേർന്നിരുന്നു. ഈ യോഗത്തിലാണ് സുപ്രധാന തീരുമാനങ്ങൾ ഉണ്ടായത്.
സിനിമ ഇറങ്ങിയ ആദ്യ ദിവസങ്ങളിലെ റിവ്യു അനുവദനീയമല്ലെന്നും എന്നാൽ റിവ്യു ചെയ്യുന്നതിനോട് സംഘടനയ്ക് എതിർപ്പ് ഇല്ലെന്നുമാണ് യോഗത്തിലെടുത്ത പ്രധാന തീരുമാനങ്ങളിൽ ഒന്ന്. ഡിജിറ്റൽ മാർക്കറ്റിങ് രംഗത്തുള്ളവരെ ഷോർട്ട് ലിസ്റ്റ് ചെയ്യുകയും അതിൻപ്രകാരം നിർമ്മാതാക്കളുടെ സംഘടന അക്രെഡിറ്റേഷൻ നൽകും. ഇവർക്ക് മാത്രമായിരിക്കും പിന്നീട് സിനിമാപ്രചരണം നടത്താനുള്ള അനുമതി ലഭിക്കുക.
ഇന്റേർണൽ കമ്മിറ്റി രൂപീകരിച്ചതിന് ശേഷം സിനിമാറിവ്യു നിരന്തരമായി നിരീക്ഷിക്കുകയും പാകപ്പിഴകൾ കണ്ടാൽ കമ്മിറ്റി ചോദ്യം ചെയ്യുകയും പുതിയ സിനിമകളുടെ വ്യാജപതിപ്പുകൾ പ്രചരിപ്പിക്കുന്നതിനെതിരെ കർശന നിയമ നടപടികൾ സ്വീകരിക്കുമെന്നും യോഗത്തിൽ പറഞ്ഞു.
