ബെൻസി പ്രൊഡക്ഷൻസിന്റെ ബാനറിൽ കെ അബ്ദുൽ നാസർ നിർമ്മിച്ച് എം എ നിഷാദ് തിരക്കഥയെഴുതി സംവിധാനം ചെയ്യുന്ന ‘ഒരു അന്വേഷണത്തിന്റെ തുടക്കം’ എന്ന പുതിയ ചിത്രത്തിലെ ഗാനം പുറത്തിറങ്ങി. ഷൈൻ ടോം ആണ് ചിത്രത്തിൽ കേന്ദ്രകഥാപാത്രമായി എത്തുന്നത്. വാണി വിശ്വനാഥും ദിൽഷയും ചേർന്നുള്ള തകർപ്പൻ രംഗമാണ് പാട്ട് സീനിൽ ഉള്ളത്. നവംബർ എട്ടിന് ചിത്രം തിയ്യേറ്ററുകളിൽ പ്രദർശനത്തിന് എത്തും. പളനി ഭാരതി എഴുതിയ ഈ പാട്ടിന് സംഗീതം ഒരുക്കിയിരികുന്നത് എം ജയചന്ദ്രൻ ആണ്. പാടിയിരിക്കുന്നത് അഖില രവീന്ദ്രനാണ്. കോട്ടയം, കുട്ടിക്കാനം, ദുബായ് എന്നിവിടങ്ങളിലായി ചിത്രത്തിന്റെ ഷൂട്ടിംഗ് പൂർത്തിയാക്കി.
രമേശ് പിഷാരടി, വിജയ് ബാബു, അബൂ സലീം, അനു നായർ, ദുർഗ്ഗ കൃഷ്ണ, സ്വാസിക, പൊന്നമ്മ ബാബു, കലാഭവൻ ഷാജോൺ, സുധീഷ്, ജൂഡ് ആൻറണി, ഇർഷാദ്, പ്രശാന്ത് അലക്സാണ്ടർ, ജാഫർ ഇടുക്കി, ഷഹീൻ സിദ്ദിഖ്, കോട്ടയം നസീർ, മഞ്ജു പിള്ള, മഞ്ജു സുഭാഷ്, ബിജു സോപാനം, കൈലാഷ്, ജനാർദ്ദനൻ, ഉമാ നായർ, കലാഭവൻ നവാസ്, പ്രമോദ് വെളിയനാട്, ഉല്ലാസ് പന്തളം, ബാബു നമ്പൂതിരി, സിമി എബ്രഹാം, അനിത നായർ, ജയകുമാർ, ശിവദ, പി ശ്രീകുമാർ, സ്മിനു സിജോ, ഗീതാഞ്ജലി മിഷ് റ, റിങ്കു, സന്ധ്യ മനോജ്, കനകമ്മ തുടങ്ങിയവർ ചിത്രത്തിൽ മറ്റ് പ്രധാനകഥാപാത്രങ്ങളായി അഭിനയിക്കുന്നു. ഛായാഗ്രഹണം വിവേക് മേനോൻ, വരികൾ പ്രഭാവർമ്മ, ഹരി നാരായണൻ, പളനി ഭാരതി, സംഗീതം എം ജയചന്ദ്രൻ, എഡിറ്റിങ് ബിനു മുരളി.
