പ്രേക്ഷകരെ ഉള്ളംകൈയ്യിലെടുത്ത ഹിറ്റ് ചിത്രം ആക്ഷൻ ഹീറോ ബിജുവിന്റെ രണ്ടാം ഭാഗം വരുന്നു. നിവിൻ പോളി നായകനായി എത്തുന്ന ചിത്രത്തിന്റെ പുതിയ വിശേഷം താരം തന്നെയാണ് പുറത്ത് വിട്ടത്. എട്ട് വർഷത്തിന് ശേഷം ആണ് സിനിമയുടെ രണ്ടാം ഭാഗം വരുന്നത്.
2016- ഫെബ്രുവരി നാലിനാണ് ചിത്രത്തിന്റെ ആദ്യ ഭാഗം റിലീസ് ആയത്. ഒരു പൊലീസ് ഉദ്യോഗസ്ഥനെ കേന്ദ്രമാക്കിക്കൊണ്ട് കഥ പറയുന്ന ചിത്രമാണിത്. എബ്രിഡ് ഷൈൻ ആണ് ചിത്രം സംവിധാനം ചെയ്യുന്നത്. ചിത്രത്തിന്റെ രണ്ടാം ഭാഗം നിർമ്മിക്കുന്നത് നിവിൻ പോളിയും ഷംനാസും ചേർന്നാണ്.
