‘കണ്ണൂര്‍ സ്ക്വാഡി’ന് പറയാനുണ്ട് അതിജീവിച്ച ‘മഹായാന’ത്തെ കുറിച്ച്

കണ്ണൂര്‍ സ്ക്വാഡ് എന്ന  മമ്മൂട്ടി നായകനായ ചിത്രത്തിന് പറയാനുണ്ട് അതിജീവിച്ച മഹായാനത്തെ കുറിച്ച്. അതെ, മമ്മൂട്ടി അഭിനയിച്ച സൂപ്പര്‍ ഹിറ്റ് ക്ലാസിക് സിനിമകളില്‍ ഒന്നാണ് 1989- ല്‍ ജോഷി സംവിധാനം ചെയ്ത മഹായാനം. എന്നാല്‍ നിരൂപക ശ്രദ്ധ പിടിച്ചുപറ്റിയെങ്കിലും ബോക്സോഫീസില്‍ മികച്ച കളക്ഷന്‍ നേടാന്‍ മഹായാനത്തിന് കഴിഞ്ഞില്ല. മഹായാനത്തിന്‍റെ നിര്‍മാതാവായ സി ടി രാജന് അന്ന് സാമ്പത്തികമായി ഏറെ ബുദ്ധിമുട്ടേണ്ടി വന്നു. കടക്കെണിയിലായ അദ്ദേഹം പിന്നീട് പൂര്‍ണമായും സിനിമ നിര്‍മാണമേഖലയെ ഉപേക്ഷിക്കുകയായിരുന്നു. അന്ന് അതിജീവിച്ചു കൊണ്ട് മഹായാനം നടത്തിയ സി ടി രാജന്‍ എത്തി നില്‍ക്കുന്നത് കണ്ണൂര്‍ സ്ക്വാഡ് എന്ന സൂപ്പര്‍ ഹിറ്റായ മമ്മൂട്ടി ചിത്രത്തിന് മുന്നിലാണ്. ചിത്രത്തിന്‍റെ തിരക്കഥ സി ടി രാജന്‍റെ മൂത്തമകന്‍ റോബിയുടെതാണ്. സംവിധാനം ഇളയ മകന്‍ റോണിയുടെതും. റോബി വര്‍ഗീസ് രാജിന്‍റെ ഭാര്യ ഡോ അഞ്ജു മേരിയാണ് ഈ അപൂര്‍വത സോഷ്യല്‍ മീഡിയയിലൂടെ പങ്ക് വെച്ചത്. തിയ്യേറ്ററുകളില്‍ മികച്ച പ്രേക്ഷക പ്രതികരണമാണ് കണ്ണൂര്‍ സ്ക്വാഡ് സ്വന്തമാക്കിയിരിക്കുന്നത്.