ടിനു പാപ്പച്ചന്‍ സംവിധാനം ചെയ്ത് കുഞ്ചാക്കോ ബോബനും അര്‍ജുന്‍ അശോകും ആന്‍റണി വര്‍ഗീസും പ്രധാന കഥാപാത്രമായി എത്തുന്ന ചിത്രം ‘ചാവേര്‍’ സെക്കന്‍ഡ് പോസ്റ്റര്‍ പുറത്തിറങ്ങി. പ്രേക്ഷകരെ ആവേശം കൊള്ളിക്കുന്ന പോസ്റ്ററുകളാണ് ‘ചാവേറി’ന്‍റേത്. സ്വാതന്ത്യം അര്‍ദ്ധരാത്രിയില്‍, അജഗജാന്തരം തുടങ്ങിയവയാണ് ടിനുപാപ്പച്ചന്‍ സംവിധാനം ചെയ്ത മറ്റ് ചിത്രങ്ങള്‍. ഇതിന് മുന്‍പ് ഇറങ്ങിയ ടീസറും പോസ്റ്ററുകളും ആവേശം കൊള്ളിക്കുന്നതായിരുന്നു.
മികച്ച പശ്ചാത്തലങ്ങളോടുകൂടി മാസ്സ് ലൂക്കിലുള്ള കഥാപാത്രങ്ങളുടെ മുഖമാണ് പോസ്റ്ററുകളില്‍. വ്യത്യസ്ത ശൈലികളിലൂടെ പോസ്റ്ററും ടീസറും പ്രേക്ഷകരിലേക്ക് എത്തിക്കുകയാണ് ചിത്രത്തിന്റെ അണിയറ പ്രവര്‍ത്തകര്‍. കുഞ്ചാക്കോ ബോബന്‍ അശോകന്‍ എന്ന കഥാപാത്രമായി ചിത്രത്തില്‍ എത്തുന്നു. ടിനു പാപ്പച്ചനും കുഞ്ചാക്കോ ബോബനും ആദ്യമായി ഒന്നിക്കുന്ന ചിത്രമാണ് ചാവേര്‍.
നടനും സംവിധായകനുമായ ജോയ് മാത്യുവാണ് ചിത്രത്തിന് തിരക്കഥ ഒരുക്കുന്നത്. അരുണ്‍ നാരായണ്‍, വേണു കുന്നപ്പിള്ളി, എന്നിവര്‍ നിര്‍മ്മിക്കുന്ന ചിത്രത്തിന് ഛായാഗ്രഹണം ജിന്‍റോ ജോര്‍ജ്ജും എഡിറ്റിങ് നിഷാദ് യൂസഫും സംഗീതം ജസ്റ്റിന്‍ വര്‍ഗീസും നിര്‍വഹിക്കുന്നു.
