ടി എസ് സുരേഷ് ബാബു സംവിധാനം ചെയ്ത് അഷ്കര്‍ സൌദാന്‍ നായകനായി എത്തുന്ന ചിത്രം ‘ഡി. എന്‍. എ’ യുടെ ഫസ്റ്റ് ലുക്ക് പോസ്റ്റര്‍ സുരേഷ് ഗോപിയും ഗോകുല്‍ സുരേഷും പുറത്ത് വിട്ടു. ഇരുവരും തങ്ങളുടെ ഒഫീഷ്യല്‍ പേജിലൂടെയാണ് പോസ്റ്റര്‍ റിലീസ് ചെയ്തിരിക്കുന്നത്. ബെന്‍സി പ്രൊഡക്ഷന്‍സിന്‍റെ ബാനറില്‍ കെ വി അബ്ദുള്‍ നാസറാണ് ചിത്രം നിര്‍മ്മിക്കുന്നത്. നൂറു ദിവസത്തോളം ചിത്രീകരണം വേണ്ടുന്ന ബിഗ് ബജറ്റ് ആക്ഷന്‍ ത്രില്ലര്‍ ചിമൂവിയാണ് ഡി. എന്‍. എ.
ചിത്രത്തില്‍ ലക്ഷ്മി റായ്, ബാബു ആന്‍റണി, ഇനിയ, അജു വര്‍ഗീസ്, രഞ്ജി പണിക്കര്‍, സ്വാസിക, ഗൌരി നന്ദ, സീതാ പാര്‍വ്വതി, ഇര്‍ഷാദ്, കോട്ടയം നസീര്‍, പത്മരാജ് രതീഷ്, സെന്തില്‍ കൃഷ്ണ, റിയാസ് ഖാന്‍, ഇടവേള ബാബു, കലാഭവന്‍ ഹനീഫ്, രാജ സാഹിബ്ബ്, ഹന്ന റെജി കോശി, കൈലാഷ്, അമീര്‍ നിയാസ്, ഡ്രാക്കുള സുധീര്‍, കുഞ്ചന്‍, റോമ, സൂര്യ രാജേഷ്, പൊന്‍ വണ്ണന്‍, രവീന്ദ്രന്‍, തുടങ്ങിയവര്‍ പ്രധാന കഥാപാത്രങ്ങളായി അണിനിരക്കുന്നു.
ചിത്രത്തില്‍ നടി കനിഹയുടടേതാണ് ഗാനരചന. സംഗീതം ശരത്. എ കെ സന്തോഷിന്‍റേതാണ് കഥ. ഛായാഗ്രഹണം രവിചന്ദ്രനും എഡിറ്റിങ് ജോണ്‍ കുട്ടിയും കലാസംവിധാനം ശ്യാം കാര്‍ത്തികേയനും നിര്‍വഹിക്കുന്നു. സ്റ്റണ്ട് സെല്‍വ, കനല്‍ക്കണ്ണന്‍, റണ്‍ രവി, പഴനി രാജ് തുടങ്ങി ദക്ഷിണേന്ത്യന്‍ സിനിമയിലെ പ്രമുഖ കൊറിയോഗ്രാഫര്‍മാരാണ് ചിത്രത്തിലെ സംഘട്ടനം ഒരുക്കിയത്.
