ഹോളിവുഡ് മ്യൂസിക് ഇൻ മീഡിയ’യിലെ അവാർഡ് പട്ടികയിൽ ഇടം നേടി ‘പെരിയോനെ’

എ. ആർ റഹ്മാൻ മലയാളത്തിൽ ഹിറ്റ് ഗാനങ്ങൾ സമ്മാനിക്കുന്ന സംഗീത സംവിധായകനാണ്. പൃഥ്വിരാജിനെ നായകനാക്കി ബ്ലെസ്സി സംവിധാനം ചെയ്ത ആടുജീവിതത്തിലെ കഥയുടെ ആത്മാവിനെ അപ്പാടെ ആവാഹിച്ച് കൊണ്ട് ഹിറ്റായൊരു ഗാനമുണ്ട്; ആളുകൾ നെഞ്ചിലേറ്റിയ ‘പെരിയോനെ റഹ്മാനെ’.. റഫീഖ് അഹമ്മദ് എഴുതി ജിത്തിനരാജ് പാടിയ ഈ ഗാനം നെഞ്ചിലേറ്റി, സംഗീത പ്രേമികൾ. ഇപ്പോൾ മറ്റൊരംഗീകാരം കൂടി തേടിയെത്തിയിരിക്കുകയാണ് ഈ ഗാനത്തെ. ലോക പ്രശസ്തമായ ഹോളിവുഡ് മ്യൂസിക് ഇൻ മീഡിയയുടെ നാമനിർദേശപ്പട്ടികയിൽ പെരിയോനെ’യും ഇടം പിടിച്ചിരിക്കുകയാണ്. ബുധനാഴ്ചയാണ് പട്ടിക പുറത്ത് വിട്ടത്. ഫീച്ചർ ഫിലിം വിഭാഗത്തിലാണ് ‘പെരിയോനെ’യും മത്സരിക്കുന്നത്. ചാലഞ്ചേഴ്സ്, എമിലി പേരെസ്, ബേറ്റർമാൻ, ട്വിസ്റ്റേഴ്സ്, ദി ഐഡിയ ഓഫ് യു, ദി  സിക്സ് ട്രിപ്പിൾ  എയ്റ്റ്, ബ്ലിറ്റ്സ്, എന്നീവയാണ് അടുജീവിതത്തിലെ ഗാനത്തിന് പുറമെ പട്ടികയിൽ ഇടംനേടിയ സിനിമകൾ. ഈ മാസം 20- ന് അവലോണിലാണ് പുരസ്കാര വിതരണ ചടങ്ങുകൾ നടക്കുക.