അനുഷ് മോഹൻ ചിത്രം ‘വത്സല ക്ലബ്ബി’ന്റെ ഫസ്റ്റ് ലുക്ക് പോസ്റ്റർ പുറത്ത്

നവാഗതനായ അനുഷ് മോഹൻ സംവിധാനം ചെയ്യുന്ന ‘വത്സല ക്ലബ്’ എന്ന  ഏറ്റവും പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത്. വിവാഹം മുടക്കൽ ഒരു തൊഴിലും ആഘോഷവുമാക്കി മാറ്റിയ ഒരു പറ്റം ആളുകളേക്കുറിച്ച് സാങ്കൽപ്പിക  കഥപറയുന്ന ചിത്രമാണിത്. ഫാൽക്കൺ സിനിമാസിന്റെ ബാനറിൽ ജിനി എസ് നിർമ്മിക്കുന്ന ചിത്രമാണ് വത്സല ക്ലബ്. സ്വന്തം വീട്ടിലുള്ളവരുടെ കല്യാണം മുടക്കുന്നതിൽ പോലും ഹരം കണ്ടെത്തുന്ന ഇവർ ഏറ്റവും കൂടുതൽ കല്യാണം മുടക്കുന്നവർക്കു പാരിതോഷികമായി ‘മുടക്ക് ദണ്ഡ്’ നല്കുന്നു. തികച്ചും വ്യത്യസ്തവും കൌതുകകരവുമായ പ്രമേയമാണ് വത്സല ക്ലബ്ബിന്റെത്. ധ്യാൻശ്രീനിവാസൻ,  അഖിൽ കവലയൂർ, വിനീത് തട്ടിൽ, ജിബിൻ ഗോപിനാഥ്, മല്ലികാ സുകുമാരൻ, ദീപു കരുണാകരൻ, രാഹുൽ നായർ, കാർത്തിക് ശങ്കർ, രൂപേഷ് പീതാംബരൻ, അരിസ്റ്റോ സുരേഷ്, ഗൌരി, അനിൽ രാജ്, അരുൺ ഭാസ്കർ, ആമി തിലക്, പ്രിയ ശ്രീജിത്ത്, ബിനോജ് കുളത്തൂർ, അസീന റീന, അരുൺ ഭാസ്കർ, അംബിക, വിശാഖ് എന്നിവരും ചിത്രത്തിൽ അഭിനയിക്കുന്നു. രചന ഫൈസൽ കമാൽ, സംഗീതം ജിനി എസ്, ഛായാഗ്രഹണം ശൌരി നാഥ്, എഡിറ്റിങ് രാകേഷ് അശോക.