സെപ്തംബര്‍ 28-നു കണ്ണൂര്‍ സ്ക്വാഡ് തിയ്യേറ്ററുകളിലേക്ക്

മമ്മൂട്ടി നായകനായി എത്തുന്ന കണ്ണൂര്‍ സ്ക്വാഡ് സെപ്തംബര്‍ 28-നു തിയ്യേറ്ററുകളിലേക്ക് എത്തുന്നു. ASI ജോര്‍ജ് മര്‍ട്ടിന്‍ എന്ന കഥാപാത്രമാണ് മമ്മൂട്ടിയുടേത്. സെന്‍സറിങ് പൂര്‍ത്തിയായ ചിത്രത്തിന് യു എ സര്‍ട്ടിഫിക്കറ്റ് ആണ് ലഭിച്ചിട്ടുള്ളത്. മമ്മൂട്ടി കമ്പനിയുടെ നാലാമത്തെ ചിത്രമായ കണ്ണൂര്‍ സ്ക്വാഡിന്‍റെ സംവിധാനം റോബിന്‍ വര്‍ഗീസ് രാജും കഥ ഷാഫിയുടെതും തിരക്കഥ ഡോക്ടര്‍ റോണിയുടേതുമാണ്. വിജയരാഘവന്‍, കിഷോര്‍ കുമാര്‍, അസീസ് നെടുമങ്ങാട്, റോണി ഡേവിഡ്, ശബരീഷ്, മനോജ് കെ യു തുടങ്ങിയവര്‍ ചിത്രത്തിലെ മറ്റ് കഥാപാത്രങ്ങളായി എത്തുന്നു. ദുല്‍ഖര്‍ സല്‍മാന്‍റെ വെഫെയര്‍ ഫിലിംസാണ് കേരളത്തില്‍ ചിത്രത്തിന്‍റെ വിതരണം ഏറ്റെടുത്തിരിക്കുന്നത്. കണ്ണൂര്‍ സ്ക്വാഡിന്‍റെ ട്രൈലര്‍ ഇതിനോടകം തന്നെ ഇരുപത്തി മൂന്ന് ലക്ഷത്തോളം കാഴ്ചക്കാരുമായി മുന്നേറുകയാണ്. ഛായാഗ്രഹണം: മുഹമ്മ്ദ് റാഫില്‍, സംഗീതം: സുഷിന്‍ ശ്യാം, എഡിറ്റിങ്: പ്രവീണ്‍ പ്രഭാകര്‍.