സുരാജും വിനായകനും ഒന്നിക്കുന്ന ‘തെക്ക് വടക്ക്’ ഒക്ടോബർ നാലിന് തിയ്യേറ്ററിൽ

സുരാജും വിനായകനും പ്രധാനകഥാപാത്രങ്ങളായി എത്തുന്ന ചിത്രം തെക്ക് വടക്ക് ഒക്ടോബർ നാലിന് തിയ്യേറ്ററുകളിൽ പ്രദർശനത്തിന് എത്തും. കെ എസ് ഇ ബി എഞ്ചിനീയറായ മാധവനും അരിമിൽ ഉടമ ശങ്കുണ്ണിയുമായാണ് ഇരുവരും എത്തുന്നത്. ജെല്ലിക്കെട്ട്, നൻപകൽ നേരത്ത് മയക്കം, ചുരുളി എന്നീ ചിത്രങ്ങൾക്ക് ശേഷം നോവലിസ്സ് എസ് ഹരീഷ് എഴുതി പ്രേംശങ്കർ ആണ് സംവിധാനം ചെയ്യുന്നത്. ഇവർക്കിടയിൽ  നടക്കുന്ന താമശകളുടെ രസകരമായ സംഭവമുഹൂർത്തങ്ങളാണ് സിനിമയിലുടനീളം. മിന്നൽ മുരളി, ആർഡിഎക്സ് എന്നീ സിനിമകളുടെ സഹാനിർമാതാക്കളായ  അൻജന ഫിലിപ്പും ഒടിയൻ സിനിമയുടെ സംവിധായകൻ വി എ ശ്രീകുമാറും ചേർന്ന് രൂപീകരിച്ച സിനിമാ നിർമ്മാണ സംരഭത്തിന്റെ ആദ്യ സിനിമയാണ് തെക്ക് വടക്ക്.