മണിച്ചിത്രത്താഴ് റീ റിലീസ് ഓഗസ്റ്റ് 17- ന്

പ്രേക്ഷകരെ എക്കാലത്തും ഹറം കൊള്ളിച്ചുകൊണ്ടേയിരിക്കുന്ന ഫാസിൽ സംവിധാനം ചെയ്ത് മോഹൻലാൽ- സുരേഷ് ഗോപി- ശോഭന കൂട്ടുകെട്ടിൽ പിറന്ന മണിച്ചിത്രത്താഴ്  ആഗസ്റ്റ് 17- ന് റീ റിലീസ് ചെയ്യുന്നു. 4 k ഡോൾബി അറ്റ്മോസിലൂടെ ആണ് ചിത്രം വീണ്ടും പ്രദർശനത്തിന് എത്തുന്നത്. മലയാള സിനിമയിലെ ഏറ്റവും മികച്ച ക്ലാസ്സിക് സിനിമകളിൽ ഒന്നാണ് മണിച്ചിത്രത്താഴ്. അന്നു സ്വര്ഗ്ഗ ഫിലിംസിന്റെ ബാനറിൽ സ്വർഗ ചിത്ര അപ്പച്ചൻ ആണ് ചിത്രം നിർമ്മിച്ചത്. പുതിയ രൂപത്തിലും ഭാവത്തിലും റീ റിലീസ് ചെയ്യുന്ന മണിച്ചിത്രത്താഴ് സ്വർഗ ചിത്രയും മാറ്റിനി നൌ കമ്പനിയും ചേർന്നാണ് പുറത്തിറക്കുന്നത്. പ്രേക്ഷകരെ ദൃശ്യാനുഭവം കൊണ്ട് ഈ ഹൊറർ -ഹ്യൂമർ ചിത്രം മുൻപത്തെക്കാൾ ഉപരി രസിപ്പിക്കുമെന്ന് അണിയറ പ്രവർത്തകർ ഉറപ്പ് തരികയാണ്.