സിനിമാതാരം കലാഭവൻ ഹനീഫ് അന്തരിച്ചു

സിനിമാതാരവും മിക്രി അർട്ടിസ്റ്റുമായ കലാഭവൻ ഹനീഫ് അന്തരിച്ചു. 63- വയസ്സായിരുന്നു. കൊച്ചിയിലെ സ്വകാര്യ ആശുപത്രിയിൽ വെച്ചാണ് അന്ത്യം. ശ്വാസകോശ സംബന്ധമായ അസുഖത്തിന് ദീർഘനാളായി ചികിത്സയിലായിരുന്നു. നൂറ്റിഅൻപതിലേറെ ചിത്രങ്ങളിൽ വേഷമിട്ട ഇദ്ദേഹം നിരവധി കൊമേഡിയൻ കഥാപാത്രങ്ങളിലൂടെ  പ്രേക്ഷകരെ ചിരിപ്പിച്ചിട്ടുണ്ട്. സ്കൂൾ പഠനകാലത്ത് തന്നെ മിമിക്രിയിൽ ശ്രദ്ധേയമായ കഴിവ് തെളിയിച്ചിട്ടുണ്ട്. നിരവധി നാടകങ്ങളിൽ അഭിനയിച്ചു കൊണ്ട് ഇദ്ദേഹം പിന്നീട് കലാഭവൻ ട്രൂപ്പിലെ അംഗമായി. ‘ചെപ്പ് കിലുക്കണ ചങ്ങാതി’ എന്ന ചിത്രത്തിലൂടെ അഭിനയിച്ചു കൊണ്ട് സിനിമയിലേക്ക് ആദ്യ ചുവടുവയ്പ്പ്. തുടർന്ന് ഈ പറക്കും തളിക, വെള്ളരിപ്രാവിന്റെ ചങ്ങാതി, കട്ടപ്പനയിലെ ഹൃത്വിക് റോഷൻ തുടങ്ങിയ ചിത്രങ്ങളിലൂടെ മികച്ച കഥാപാത്രങ്ങളുടെ വേഷമിട്ടു. ഉറവാശിയും ഇന്ദ്രൻസു൦ പ്രധാനകഥാപാത്രങ്ങളായി എത്തിയ ജലധാര പമ്പ് സെറ്റാണ് ഒടുവിൽ അഭിനയിച്ച ചിത്രം.