സംവിധായകൻ ഉണ്ണി ആറന്മുള അന്തരിച്ചു

സംവിധായകൻ ഉണ്ണി ആറന്മുള എന്ന കെ ആർ ഉണ്ണികൃഷ്ണൻ നായർ അന്തരിച്ചു. 77 വയസ്സായിരുന്നു. ഇടയാറന്മുള സ്വദേശിയാണ് ഇദ്ദേഹം. ബുധനാഴ്ച വൈകീട്ട് ചെങ്ങന്നൂരിലെ ലോഡ്ജിൽ വെച്ച് ശാരീരിക അസ്വസ്ഥത ഉണ്ടാവുകയും തുടർന്ന് ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാൻ കഴിഞ്ഞില്ല. 1984 ൽ സംവിധാനം ചെയ്ത ‘എതിർപ്പുകൾ’ എന്ന ചിത്രത്തിലൂടെ ആയിരുന്നു ഉർവശി നായികയായി അഭിനയിക്കുന്നത്. കൂടാതെ പത്തിലേറെ സിനിമകൾക്ക് വേണ്ടി ഗാനങ്ങളും എഴുതിയിട്ടുണ്ട്. ഡിഫൻസ് അക്കൌണ്ട്സിൽ ഉദ്യോഗസ്ഥനായിരുന്നു. 1987 ൽ സംവിധാനം ചെയ്ത സ്വർഗം ആണ് മറ്റൊരു ശ്രദ്ധേയ ചിത്രം. കമ്പ്യൂട്ടർ കല്യാണമാണ് സംവിധാനം ചെയ്ത ഒടുവിലെ സിനിമ.