പൃഥ്വിരാജിനെ നായകനാക്കിക്കൊണ്ട് നടൻ മഹേഷ് സംവിധാനം ചെയ്ത ആദ്യചിത്രം ‘കലണ്ടറി’ന് ശേഷം ഏറ്റവും പുതിയ ചിത്രം ‘പിന്നെയും പിന്നെയും’ വരുന്നു. കോടൂർ ഫിലിംസിന്റെ ബാനറിൽ ബിജു കോടൂർ, രേവ് പിള്ള, നരസിംഹൻ എന്നിവരാണ് ചിത്രം നിർമ്മിക്കുന്നത്. ഒരു ത്രികോണകഥ പറയുന്ന ചിത്രമാണ് പിന്നെയും പിന്നെയും. സന്തോഷ് കപീലിന്റെതാണു തിരക്കഥ.
ആൻ ശീതൾ, ജഗദീഷ്, ധ്രുവൻ, ഹന്നാ റെജി കോശി, സൂര്യാകൃഷ്, ബൈജു സന്തോഷ്, ജോണി ആൻറണി, ദിനേശ് പണിക്കർ, നിസ്സാര, ഗായത്രി സുരേഷ്, നീന കുറുപ്പ്, അരുൺ സി കുമാർ, എന്നിവരാണ് പ്രധാന കഥാപാത്രങ്ങളായി എത്തുന്നത്. ഛായാഗ്രഹണം സിബി ജോസഫ്, എഡിറ്റിങ് മോജി, ഗാനരചന റഫീഖ് അഹമ്മദ്, പശ്ചാത്തല സംഗീതം ദീപക് ദേവ്. മെയ് മാസത്തിലെ ആദ്യ ആഴ്ച ചിത്രത്തിന്റെ ഷൂട്ടിങ് കൊച്ചി, തിരുവനന്തപുരം, ഡാർജലിംഗ്, പോണ്ടിച്ചേരി തുടങ്ങിയ ലൊക്കേഷനുകളിൽ ആരംഭിക്കും.
