ഷാജി കൈലാസ് സംവിധാനം ചെയ്യുന്ന ഹൊറര്‍ ത്രില്ലര്‍ ചിത്രം ‘ഹണ്ട്’ ട്രൈലര്‍ പുറത്തിറങ്ങി. ചിത്രത്തില്‍ ഭാവനയാണ് പ്രധാന വേഷത്തില്‍ എത്തുന്നത്. മെഡിക്കല്‍ ക്യാംപസിന്‍റെ പശ്ചാത്തലത്തില്‍ ഒരുങ്ങുന്ന ചിത്രത്തില്‍ ഉദ്വോഗജനകമായ ഞെട്ടിപ്പിക്കുന്ന രംഗങ്ങളാണ് ട്രൈലര്‍ പുറത്തു വിട്ടിരിക്കുന്നത്.
ചിത്രത്തില്‍ രഞ്ജി പണിക്കര്‍, രാഹുല്‍ മാധവ്, നന്ദു, അജ്മല്‍ അമീര്‍, അന്നു മോഹന്‍, ബിജു പപ്പന്‍, ജി സുരേഷ് കുമാര്‍, വിജയ കുമാര്‍, കോട്ടയം നസീര്‍, പത്മരാജ് രതീഷ്, സുധി പാലക്കാട്, കൊല്ലം തുളസി, സോനു, ദിവ്യ നായര്‍ തുടങ്ങിയവര്‍ ചിത്രത്തില്‍ പ്രധാന കഥാപാത്രങ്ങളായി എത്തുന്നു. രചന നിഖ്ല് ആനന്ദ്. ഹരി നാരായണന്‍റെയും സന്തോഷ് വര്‍മ്മയുടെയും വരികള്‍ക്ക് കൈലാസ് മേനോന്‍ സംഗീതം പകരുന്നു. ഛായാഗ്രഹണം ജാക്സണ്‍ ജോണ്‍സണ്‍. എഡിറ്റിങ് അജാസ് മുഹമ്മദ്.
