മിമിക്രിയിലും അഭിനയത്തിലും സജീവമായിരുന്ന കോട്ടയം സോമരാജ് അന്തരിച്ചു

മിമിക്രി മേഖലയിലും അഭിനയത്തിലും സജീവമായിരുന്ന നടൻ കോട്ടയം സോമരാജ് അന്തരിച്ചു. വർഷങ്ങളോളം മിമിക്രി രംഗത്ത് വേറിട്ട ശൈലി നിലനിർത്തിക്കൊണ്ട് ശ്രദ്ധേയനായിരുന്നു അദ്ദേഹം. നിരവധി സ്റ്റേജ് പരിപാടികളിലൂടെയും ടെലിവിഷൻ പ്രോഗ്രാമുകളിലൂടെയും നിറസാന്നിദ്ധ്യമായിരുന്നു കോട്ടയം സോമരാജ്. കരുമാടി രാജേന്ദ്രൻ സംവിധാനം ചെയ്ത ഇന്ദ്രപുരാണം എന്ന സിനിമയ്ക്ക് വേണ്ടി ഇദ്ദേഹം തിരക്കഥയും സംഭാഷണവും  എഴുതിയിട്ടുണ്ട്. കൂടാതെ ഇലകൾ പച്ച പൂക്കൾ മഞ്ഞ, കണ്ണകി, ഫാന്റം, അഞ്ചര കല്യാണം, ആനന്ദഭൈരവി, കിംഗ് ലയർ, അണ്ണൻ തമ്പി, ബാംബൂ ബോയ്സ്, ചാക്കോ രണ്ടാമൻ എന്നീ സിനിമകളിലും അഭിനയിച്ചിട്ടുണ്ട്.