‘മാർക്കോ’ ഒടിടിയിലേക്ക്

പ്രേക്ഷകരെ തിയ്യേറ്ററുകളിൽ ഹരം കൊള്ളിച്ച ഉണ്ണി മുകുന്ദൻ ചിത്രം മാർക്കോ ഇനി ഒടിടിയിലേക്ക്. റിലീസ് തീയതി പ്രഖ്യാപിച്ചിട്ടില്ല. ജനുവരി അവസാനമോ ഫെബ്രുവരി ആദ്യമോ ആയിരിക്കും ചിത്രം ഒടിടി പ്ലാറ്റ്ഫോമിലൂടെ സ്ട്രീമിങ് ആരംഭിക്കുക. തിയ്യേറ്ററിൽ ചിത്രം എത്തിയിട്ട് 45- ദിവസങ്ങൾക്ക് ശേഷമായിരിക്കും സ്ട്രീമിങ് ആരംഭിക്കുക. നെറ്റ്ഫ്ലികസിൽ ആണ് സ്ട്രീമിങ് ആരംഭിക്കുക എന്നും റിപ്പോർട്ട് ഉണ്ട്. മികച്ച പ്രേക്ഷക പ്രതികരണമാണ് മാർക്കോയ്ക്ക് കിട്ടിക്കൊണ്ടിരിക്കുന്നത്. ഹനീഫ് അദേനിയുടേതാണ് കഥയും തിരക്കഥയും സംവിധാനവും. സിദ്ദിഖ്, അഭിമന്യു എസ്. തിലകൻ, ജഗദീഷ്, കബീർ ദുഹാൻ സിങ്, ആൻസൺ പോൾ, യുക്തി തരേജ എന്നിവരാണ് ചിത്രത്തിലെ മറ്റ് അഭിനേതാക്കൾ. ഡിസംബർ 20 നാണ് മാർക്കോ തിയ്യേറ്ററുകളിൽ എത്തിയത്.