സൂപ്പർ ഗുഡ് ഫിലിംസിന്റ ബാനറിൽ വിൻസെന്റ് സെൽവ തിരക്കഥ എഴുതി സംവിധാനം ചെയ്ത് സുരേഷ് ഗോപിയുടെ മകൻ മാധവ് സുരേഷ് നായകനായി എത്തുന്ന ചിത്രം ‘കുമ്മാട്ടിക്കളി’യുടെ ഓഡിയോ ലോഞ്ചങ് സുരേഷ് ഗോപിയും വഹിത്രത്തിന്റെ നിർമ്മാതാവ് ആർ ബു ചൌധരിയും ചേർന്ന് നിർവഹിച്ചു. ചിമ്പു, വിജയ് തുടങ്ങിയ സൂപ്പർ ഹിറ്റ് നയകന്മാരെ വെച്ച് സിനിമയിറക്കിയ വിൻസെന്റ് സെൽവയുടെ ആദ്യ മലയാള ചിത്രമാണ് കുമ്മാട്ടിക്കളി. ദിലീപ് നായകനായി അഭിനയിച്ച തങ്കമണിയാണ് ഒടുവിലിറങ്ങിയ സൂപ്പർ ഗുഡ് ഫിലിംസിന്റെ നിര്മാണത്തിലെ ചിത്രം.
ചെന്നൈയിൽ സംവിധായകൻ പ്രിയദർശന്റെ സ്റ്റുഡിയോയിൽ വെച്ച് ആയിരുന്നു ചടങ്ങ്. ചിത്രത്തിന്റെ സംവിധായകൻ ആർ കെ വിൻസെന്റ് സെൽവ, പ്രോജക്ട് ഡിസൈനർമാരായ സജിത്ത് കൃഷ്ണ, അമൃത അശോക്, മിഥുൻ, അജ്മൽ തുടങ്ങിയവർ ചടങ്ങിൽ പങ്കെടുത്തു. കടപ്പുറത്തെ ജീവിതമാണ് ഈ ചിത്രത്തിലെ പ്രമേയം. മാധവ് സുരേഷ് ഗോപി ആദ്യ നായകനായി തുടക്കം കുറിക്കുന്ന സിനിമ കൂടിയാണ് കുമ്മാട്ടിക്കളി. സോഹൻ ലാൽ, സതീഷ്, യാമീ, ദിനേശ് ആലപ്പി, ആൽവിൻ ആൻറണി ജൂനിയർ, അസീസ് നെടുമങ്ങാട്, അനുപ്രഭ, ധനഞ്ജയ് പ്രേംജിത്ത്, മിഥുൻ പ്രകാശ്, റാഷിക് അജ്മൽ,അനീഷ് ഗോപാൽ, സിനോജ് അങ്കമാലി, തുടങ്ങിയവർ പ്രധാനകഥാപാത്രങ്ങളായി എത്തുന്നു. ഛായാഗ്രഹണം വെങ്കിടേഷ്, സംഗീതം ജാക്സൺ വിജയൻ, വരികൾ സജു എസ്, എഡിറ്റിങ് ആൻറണി.
