ശബരിമല സ്വാമി അയ്യപ്പന്റെ കഥ ബ്രഹ്മാണ്ഡ 3D ചിത്രം വരുന്നു. ലോകമെമ്പടും നിറഞ്ഞു നിൽക്കുന്ന ഭക്തജനങ്ങൾക്കുള്ള സന്തോഷ വാർത്ത കൂടിയാണിത്. അയ്യപ്പന്റെ വീരേതിഹാസത്തെ ചേര്ത്ത് വെച്ചുള്ള പുതിയ ചിത്രത്തിന്റെ പ്രഖ്യാപനം ശബരിമല സന്നിധാനത്ത് വെച്ച് നടന്നു. ചിത്രത്തിന്റെ പോസ്റ്ററും സ്ക്രിപ്റ്റും മേൽശാന്തി അരുൺ കുമാർ നമ്പൂതിരിക്ക് കൈമാറി.
ഈ വര്ഷം വൃശ്ചികം ഒന്നിന് ഷൂട്ടിംഗ് തുടങ്ങി അടുത്ത വര്ഷം വൃശ്ചികം ഒന്നിന് റിലീസ് ചെയ്യും. മലയാളം, തമിഴ്, തെലുങ്ക്, കന്നട, ഇംഗ്ലീഷ്, ഹിന്ദി, എന്നീ ഭാഷകളിൽ റിലീസ് ചെയ്യും. പുതുമുഖതാരമായിരിക്കും വീരമണികണ്ഠനായി എത്തുക. ത്രീഡി ദൃശ്യവിസ്മയമായി ആറ് ഭാഷകളിലായാണ് ചിത്രം തിയ്യേറ്ററുകളിൽ എത്തുക. വൺ ഇലവന്റെ ബാനറിൽ സജി. എസ് മങ്ങലത്ത് ആണ് നിർമാണം. ചിത്രം സംവിധാനം ചെയ്യുന്നത് സജി എസ് . മഗലത്തും മഹേഷ് കേശും ചേർന്നാണ്. മഹേഷ് വി. എഫ്. എക്സ് സ്പെഷലിസ്റ്റാണ്.
