കാൻ ഫെസ്റ്റിവലിൽ ഗ്രാൻഡ് പിക്സ് നേടിയ ആദ്യ ഇന്ത്യൻ ചിത്രം ‘ഓൾ വി ഇമാജിൻ ആസ് ലൈറ്റ്’ നവംബറിൽ പ്രദർശനത്തിന്

77- മത് കാൻ ഫെസ്റ്റിവലിൽ ഗ്രാൻഡ് പിക്സ് നേടിയ ആദ്യ ഇന്ത്യൻ ചിത്രം ‘ഓൾ വി ഇമാജിൻ ആസ് ലൈറ്റ്’ നവംബറിൽ പ്രദർശനത്തിന് എത്തുന്നു. രാജ്യത്തുള്ള പ്രധാന നഗരങ്ങളിലായാണ് ചിത്രം പ്രദർശനത്തിന് എത്തുക. അന്താരാഷ്ട്ര ചലച്ചിത്രോത്സവങ്ങളിലെ വിപുലമായ പ്രദർശനങ്ങൾക്ക്  ശേഷമാണ് ചിത്രം ഓൾഇന്ത്യ തിയ്യേറ്റർ റിലീസിന് ഒരുങ്ങുന്നത്. കാൻ ഫെസ്സ്റ്റിവലിളും ലോകമെമ്പടും ചർച്ച ചെയ്തിട്ടുള്ള ഈ ചിത്രം ടെല്ലുറൈഡ് ഫിലിം ഫെസ്റ്റിവൽ, ടോറെന്റോ ഇന്റർനാഷണൽ ഫിലിം ഫെസ്റ്റിവൽ, ന്യൂയോർക്ക് ഫിലിം ഫെസ്റ്റിവൽ, സാൻ സെബാസ്റ്റൈൻ ഫിലിം ഫെസ്റ്റിവൽ, തുടങ്ങിയ ചലച്ചിത്രോൽസവങ്ങളിൽ ഈ ചിത്രം പ്രദർശിപ്പിച്ചിട്ടുണ്ട്. തോമസ് ഹക്കീം, ജൂലിയൻ ഗ്രാഫ് (പെറ്റിറ്റ് കായോസ്), സീക്കൊ മൈത്ര (ചാക്ക് ആൻഡ് ചീസ് ഫിലിംസ് ), രണബീർ ദാസ് (അനദർ ബർത്) എന്നിവർചിത്രത്തിന്റെ സംവിധായിക പായൽ കപാഡിയക്കൊപ്പം ചേർന്നാണ് ചിത്രം നിർമ്മിച്ചിരിക്കുന്നത്.