ബേസിൽ ജോസഫും ലിജോ മോളും പ്രധാനകഥാപാത്രങ്ങളായി എത്തുന്ന ചിത്രം ‘പൊന്മാൻ’ ഫെബ്രുവരി 6- ന് തിയ്യേറ്ററുകളിൽ പ്രദർശനത്തിന് എത്തും. ജി. ആർ. ഇന്ദുഗോപന്റെ ‘നാലഞ്ച് ചെറുപ്പക്കാർ ‘ എന്ന ചെറുകഥയെ മുൻനിർത്തിക്കൊണ്ട് ജ്യോതിഷ് ശങ്കർ ആണ് ചിത്രം സംവിധാനം ചെയ്യുന്നത്. അജിത്ത് വിനായക ഫിലിംസിന്റെ ബാനറിൽ വിനായക അജിത്ത് നിർമ്മിക്കുന്ന ഈ ചിത്രത്തിന്റെ ചിത്രീകരണവും പൂർത്തിയായി. ചിത്രത്തിന്റെ തിരക്കഥ ജി ആർ ഇന്ദുഗോപൻ, ജസ്സിൻ മാത്യു എന്നിവരാണ് തയ്യാറാക്കിയത്.
ചിത്രത്തിൽ ബേസിൽ ജോസഫ്, ലിജോ മോൾ, സജിൻ ഗോപു, ജയ കുറുപ്പ്, ദീപക് പറമ്പോൾ, റെജൂ ശിവദാസ്, ആനന്ദ് മന്മഥൻ, രാജേഷ് ശർമ്മ, സന്ധ്യ രാജേന്ദ്രൻ, വൈഷ്ണവി കല്യാണി, ലക്ഷ്മി സഞ്ജു, ആനന്ദ് നെച്ചൂരാൻ, കിരൺ പീതാംബരൻ, തുടങ്ങിയവരും അഭിനയിക്കുന്നു. ഛായാഗ്രഹണം സാനു ജോൺ വർഗീസ്, സംഗീതം ജസ്റ്റിൻ വർഗീസ്, എഡിറ്റർ നിധിൻ രാജ് ആരോൽ.
