‘ബിറ്റ് കോയിൻ’ രീതിയെ ആസ്പദമാക്കിയുള്ള ചിത്രം ‘ദി ഡാർക് വെബ്ബ്’ മലയാളത്തിലും

 കൊടിയ പീഡനങ്ങളും കൊലപാതകങ്ങളും പച്ചയായി തന്നെ യാതൊരു മറയുമില്ലാതെ സൃഷ്ടിക്കുന്ന സിനിമകൾ അനവധി ഉണ്ടായിക്കൊണ്ടിരിക്കുകയാണ്. പാശ്ചാത്യ രാജ്യങ്ങളിൽ ഇത് സ്വാഭാവികമായി തീർന്നു. വയലൻസ് ആസ്വദിയ്ക്കുന്ന ഒരുവലിയ വിഭാഗം ജനത രൂപപ്പെട്ടു വന്നു. ഇനി മലയാളത്തിലും ബിറ്റ് കോയിൻ രീതിയെ ആസ്പദമാക്കി സിനിമ വരാൻ പോകുന്നു. ദി ഡാർക്ക് വെബ്ബ് എന്നാണ് ചിത്രത്തിന്റെ പേര്. ഗിരീഷ് വൈക്കത്തിന്റേതാണ് കഥയും തിരക്കഥയും. ഒരു സ്റ്റിൽ ഫോട്ടോഗ്രാഫർ കൂടിയാണ് ഗിരീഷ് വൈക്കം. പൂർണ്ണമായും ഒരു ആക്ഷൻ ത്രില്ലർ മൂഡിലാണ് ഈ ചിത്രത്തിന്റെ അവതരണം. ഡാർക് ക്രൈം ത്രില്ലർ മൂഡിലാണ് ഈ ചിത്രത്തിന്റെ അവതരണം. പെൺകുട്ടികളാണ് ചിത്രത്തിൽ സംഘട്ടനം നടത്തുന്നതെന്നാണ് മറ്റൊരു പ്രത്യേകത. ബോളിവൂഡിലെ പ്രശസ്ത സംഗീതജ്ഞൻ മെഹൂൽ വ്യാസ് ആണ് പശ്ചാത്തല സംഗീതമൊരുക്കുന്നത്. പ്രാച്ചി ടെഹ് ലാൻ, ഹിമാബിന്ദു, പ്രിയങ്കാ യാദവ്, പ്രശാന്ത് രതി, ഭദ്ര, റഫീഖ് റഷീദ്, നിമിഷ എലിസബത്ത് ഡീൻ എഎന്നിവർ പ്രധാനകഥാപാത്രങ്ങളായി എത്തുന്നു.