പ്രൊമോയും പ്രൊമോ ഷൂട്ടുമില്ലാതെ എമ്പുരാന്‍ ചിത്രീകരണം ആരംഭിക്കും; പൃഥ്വിരാജ്

പൃഥ്വിരാജ്- മോഹന്‍ലാല്‍ കൂട്ടുകെട്ടിലെ അടുത്ത ചിത്രമായ എമ്പുരാനുള്ള കാത്തിരിപ്പിലാണ് പ്രേക്ഷകര്‍. ചിത്രത്തെക്കുറിച്ചുള്ള പുതിയ വാര്‍ത്തകളുമായി എത്തിയിരിക്കുകയാണ് പൃഥ്വിരാജ്. എമ്പുരാന് പ്രൊമോയോ പ്രൊമോ ഷൂട്ടോ ഉണ്ടാകില്ലെന്നറിയിച്ചിരിക്കുകയാണ് താരം. “എവിടെ നിന്നാണ് ഇത്തരം വാര്‍ത്തകള്‍ വരുന്നതെന്നറിയില്ല. എമ്പുരാന് പ്രമോയോ പ്രൊമോ ഷൂട്ടോ ഉണ്ടാകില്ല. ഈ മാസം തന്നെ എപ്പോഴെങ്കിലും ഷൂട്ടിങ്ങ് തീയതിയും പ്രൊജെക്ടിന്‍റെ വിശദാംശങ്ങളും ഞങ്ങള്‍ പ്ലാന്‍ ചെയ്യുന്നതാണ്.” പൃഥ്വിരാജ് ഫേസ് ബുക്കില്‍ കുറിച്ചു. പൃഥ്വിരാജ് സംവിധാനം ചെയ്യുന്ന എമ്പുരാന്‍ നിര്‍മ്മിക്കുന്നത് ആശീര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂര്‍ ആണ്. മുരളി ഗോപിയുടെതാണ് കഥയും തിരക്കഥയും.