ആക്ഷൻ കൊറിയോഗ്രാഫർ തവസ്സിയുടെ നേതൃത്വത്തിൽ ചിത്രീകരിച്ചിരിക്കുന്ന ആക്ഷൻ രംഗങ്ങളുടെ മേക്കിങ് വീഡിയോ പുറത്ത്. ഇന്ദ്രൻസും മറ്റ് അഭിനേതാക്കളും മേക്കിങ് വീഡിയോയിൽ ഉൾപ്പെട്ടിട്ടുണ്ട്. സനൽ വി ദേവൻ സംവിധാനം ചെയ്യുന്ന ചിത്രത്തിൽ സുരേഷ് ഗോപിയാണ് നായകൻ. മാവേറിക് മൂവീസ് പ്രൈവറ്റ് ലിമിറ്റഡ്, സഞ്ജയ് പടിയൂർ എന്റർടൈമെന്റ്സ് ബാനറിൽ വിനീത് ജയ്നും സഞ്ജയ് പടിയൂരും നിർമ്മിക്കുന്നതാണ് ഈ ചിത്രം.
സുരേഷ് ഗോപിയെക്കൂടാതെ സുരാജ് വെഞ്ഞാറമ്മൂടും ഗൌതം മേനോനും നവ്യ നായരും സന്തോഷ് കീഴാറ്റൂർ, ശ്രീജിത്ത് രവി, സരയൂ, സാദിഖ്, തുടങ്ങിയവർ മുഖ്യ കഥാപാത്രങ്ങളായി എത്തുന്നുണ്ട്. ഒരു ത്രില്ലർ ചിത്രമായിരിക്കും വരാഹം. ജിത്തു കെ ജയന്റെ കഥയ്ക്ക് മനു സി കുമാർ തിരക്കഥ എഴുതുന്നു. ഛായാഗ്രഹണം അജയ് ഡേവിഡ് കാച്ചപ്പിള്ളി, എഡിറ്റിങ് മൻസൂർ മുത്തുട്ടി, സംഗീതം രാഹുൽ രാജ്, പാലക്കാട്, കൊച്ചി, അങ്കമാലി എന്നിവിടങ്ങളിലായി ഷൂട്ടിംഗ് പൂർത്തിയാക്കും.
