പതുമുഖങ്ങളെ അണിനിരത്തിയ ‘ക്രൌര്യം’ ഒക്ടോബർ 18- ന് തിയ്യേറ്ററുകളിൽ

ആകാശത്തിനും ഭൂമിക്കുമിടയിൽ, മേരേ പ്യാരെ ദേശവാസിയോo എന്നീ ചിത്രങ്ങൾക്ക് ശേഷം സന്ദീപ് സംവിധാനം ചെയ്യുന്ന ഏറ്റവും പുതിയ ചിത്രം ക്രൌര്യം ഒക്ടോബർ 18- ന് തിയ്യേറ്ററുകളിൽ പ്രദർശനത്തിന് എത്തുന്നു. പുതുമുഖങ്ങളായ സിനോജ് മാക്സ്, ആദി ഷാൻ, അഞ്ചൽ, നൈറ എന്നിവർ ചിത്രത്തിൽ പ്രധാനകഥാപാത്രങ്ങളായി എത്തുന്നു. മാനന്തവാടി ടാക്കീസിന്റെ ബാനറിൽ നിർമ്മിക്കുന്ന ചിത്രത്തിന് പ്രദീപ് പണിക്കരുടേതാണ് തിരക്കഥയും സംഭാഷണവും. അഖിൽ ജി ബാബു, അനു കുരിശിങ്കൽ എന്നിവരുടെ വരികൾക്ക് സംഗീതം പകരുന്നത് അനുകുരിശിങ്കൽ തന്നെയാണ്. വിജയൻ വി. നായർ, നിമിഷ ബിജോ, നിസാം ചില്ല്, ശ്രീലക്ഷ്മി ഹരിദാസ്, ഷൈജു ടി. വേൽ, ഗാവൻ റോയ്, കുട്ട്യേടത്തി വിലാസിനി, റോഷിൽ പി രഞ്ജിത് എന്നിവർ ചിത്രത്തിൽ മറ്റ് കഥാപാത്രങ്ങളായി എത്തുന്നു. എഡിറ്റിങ് ഗ്രേയ് സൺ , പശ്ചാത്തല സംഗീതം ഫിഡൽ അശോക്.