നിത്യതയിലേക്ക് മടക്കം; എം ടി വാസുദേവൻ നായർ വിടവാങ്ങി

മലയാളത്തിന്റെ അക്ഷരഖനി എം ടി വാസുദേവൻ നായർ വിടവാങ്ങി. അനേകം തലമുറകൾക്ക് എഴുത്തിന്റെ മാസ്മരികത പകർന്നു നല്കിയ കഥാകാരൻ ഇനിയോർമ്മ. ഏറെ നാളുകളായി വാർദ്ധക്യ സഹജമായ ചികിത്സ തുടർന്ന് വരികയായിരുന്നു. തുടർന്ന് ബുധനാഴ്ച രാത്രി പത്തുമണിയോട് കൂടി കോഴിക്കോടുള്ള സ്വകാര്യ ആശുപത്രിയിൽ വെച്ച് മരണം സ്ഥിരീകരിച്ചു. മലയാളികളെ ഒന്നടങ്കം സാഹിത്യത്തിലൂടെയും സിനിമകളിലൂടെയും വിസ്മയിപ്പിച്ചു, എം ടി. 1933 ജൂലൈ 15- ന് പൊന്നാനി താലൂക്കിലെ കൂടല്ലൂരിൽ ജനനം. ടി നാരായണൻ നായരുടെയും അമ്മാളു അമ്മയുടെയും നാലു മക്കളിൽ ഇളയവൻ. മലമക്കാവ് എലിമെന്ററി സ്കൂൾ, കുമരനെല്ലൂർ ഹൈസ്കൂൾ, എന്നിവിടങ്ങളിൽ പ്രാഥമിക വിദ്യാഭ്യാസം. തുടർന്ന് പാലക്കാട് വിക്ടോറിയ കോളേജിൽ നിന്ന് 1953- ൽ രസതന്ത്രത്തിൽ ബിരുദം. കുറച്ചുകാലം അദ്ധ്യാപകനായി സേവനമനുഷ്ഠിച്ചു. പിന്നീട് മാതൃഭൂമിയിൽ 1956- ൽ സബ് എഡിറ്ററായി ദീർഘകാല സേവനം.  മാതൃഭൂമി ആഴ്ചപ്പതിപ്പിൽ പത്രാധിപരായി ജോളി നോക്കിയിരുന്ന എം ടി 1981- ൽ രാജിവെച്ചു. വീണ്ടും എഡിറ്ററായി തിരികെ എത്തിയ എത്തിയ 1999- വിരമിച്ചതിന് ശേഷം കേരളസാഹിത്യ അക്കാദമിയുടെയും തുഞ്ചൻ സ്മാരക സമിതിയുടെയും അദ്ധ്യക്ഷനായി. രാജ്യം 2005- ൽ പത്മഭൂഷണും സാഹിത്യമേഖലയിലെ സമഗ്രസംഭാവനയ്ക്കുള്ള ജ്ഞാനപീഠപുരസ്കാരം 1995-ലും നൽകി ആദരിച്ചു.  എം ടി ആദ്യമായി സംവിധാനം ചെയ്ത നിർമ്മാല്യം എന്ന ചിത്രത്തിന് 1973-ൽ ഏറ്റവും നല്ല സിനിമയ്ക്കുള്ള ദേശീയ പുരസ്കാരം നേടി. സംസ്കാരം വ്യാഴായ്ച വൈകീട്ട് 4. 15- ന് കോഴിക്കോട് മാവൂർ റോഡിലെ പൊതുശ്മശാനത്തിൽ.