നസ്ലെൻ- ഗിരീഷ് എ ഡി ഒന്നിക്കുന്ന ‘ഐ ആം കാതലിൻ’ ചിത്രത്തിന്റെ ട്രെയിലർ പുറത്ത്

തണ്ണീർ മത്തൻ ദിനങ്ങൾ, സൂപ്പർ ശരണ്യ, പ്രേമലു എന്നീ ചിത്രങ്ങൾക്ക് ശേഷം നസ്ലെൻ- ഗിരീഷ് എ ഡി ഒന്നിക്കുന്ന ‘ഐ ആം കാതലിൻ’ ചിത്രത്തിന്റെ ട്രയിലർ പുറത്ത്. അനിഷ്മ ആണ് ചിത്രത്തിൽ നായികയായി എത്തുന്നത്. ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനും ഡോ: പോൾസ് എന്റർടൈമെന്റ്സിന്റെ ബാനറിൽ ഡോ: പോൾസ് വർഗീസ്, കൃഷ്ണമൂർത്തി എന്നിവരാണ് ചിത്രം നിർമ്മിച്ചത്.

നവംബർ 7- ന് ചിത്രം തിയ്യേറ്ററുകളിൽ എത്തും. അഭിനേതാവായ സജിൻ ചെറുകയിൽ ആണ് ചിത്രത്തിന്റെ തിരക്കഥ രചിച്ചത്. ലിജോ മോൾ, ദിലീഷ് പോത്തൻ, ടി ജി രവി, സജിൻ, വിനീത് വാസുദേവൻ, വിനീത് വിശ്വം, തുടങ്ങിയവരും പ്രധാനവേഷത്തിൽ എത്തുന്നു. ഛായാഗ്രഹണം ശരൺ വേലായുധൻ, സംഗീതം സിദ്ധാർഥ് പ്രദീപ്, എഡിറ്റിങ് ആകാശ് ജോസഫ് വർഗീസ്, വരികൾ സുഹൈൽ കോയ.