വർണ്ണ ചിത്രയുടെ ബാനറിൽ മഹാ സുബൈർ നിർമ്മിച്ച് എം. മോഹനൻ സംവിധാനം ചെയ്യുന്ന ഏറ്റവും പുതിയ ചിത്രം ‘ഒരു ജാതി ജാതക’ത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. വിനീത് ശ്രീനിവാസൻ ആണ് നായകൻ. കണ്ണൂര്‍ ജില്ലയിലെ ഒരു ഗ്രാമത്തിലുള്ള യുവാവിന്‍റെ ജീവിതകഥ പറയുന്ന ചിത്രമാണ് ‘ഒരു ജാതി ജാതകം’.
നിഖില വിമൽ, സയനോര ഫിലിപ്പ്, ഇന്ദു തമ്പി, രജിത മധു, ചിപ്പി ദേവസ്സി, ബാബു ആൻറണി, യാദു, അമൽ താഹ, മൃദുൽ നായർ, നിർമ്മൽ പാലാഴി, തുടങ്ങിയവർ പ്രധാന കഥാപാത്രങ്ങളായി എത്തുന്നുണ്ട്. തിരക്കഥ രാകേഷ് മണ്ടോടി, വരികൾ മനു മഞ്ജിത്ത്, സംഗീതം ഗുണ സുബ്രഹ്മണ്യം, ഛായാഗ്രഹണം വിശ്വജിത്ത് ഒടുക്കത്തിൽ, എഡിറ്റിങ് രഞ്ജൻ എബ്രഹാം.
