തിങ്കളാഴ്ച നിശ്ചയം എന്ന ചിത്രത്തിന് ശേഷം സുനില് സൂര്യ പ്രധാന കഥാപാത്രമായി എത്തുന്ന മുകള്പ്പരപ്പിന്റെ ടീസര് പുറത്തിറങ്ങി. അന്തരിച്ച മാമുക്കോയ അവസാനമായി അഭിനയിച്ച ചിത്രം കൂടിയാണ് മുകള്പ്പരപ്പ്. മലബാറിലെ തെയ്യങ്ങളുടെ പശ്ചാത്തലത്തില് ഒരുങ്ങുന്ന കഥയാണ് പ്രമേയം. അപര്ണ ജനാര്ദ്ദനന് നായികയായി എത്തുന്നു. ഗുഡ് ഫെല്ലാസ് ഇന് ഫിലിംസും ജ്യോതിഷ് വിഷനും ചിത്രം സെപ്റ്റംബര് ഒന്നിന് തിയ്യേറ്ററുകളിലേക്ക് പ്രദര്ശനത്തിന് എത്തിക്കും. സിബി പടിയറയാണ് രചനയും സംവിധാനവും.
ചിത്രത്തിന്റെ നിര്മ്മാതാവായ ജയപ്രകാശന് കെ കെ ഗാനരചനയും നിര്വഹിക്കുന്നു. ശിവദാസ് മട്ടന്നൂര്, ഊര്മിള ഉണ്ണി, മജീദ്, ബിന്ദു കൃഷ്ണ, രജിത മധു, ചന്ദ്രദാസന് ലോകധര്മ്മി, ഉണ്ണിരാജ് ചെറുവത്തൂര്, തുടങ്ങിയവറം ചിത്രത്തില് അഭിനയിക്കുന്നു. ഗാനരചന ജെപി തവരൂല്, സിബി പടിയറ. സംഗീതം പ്രമോദ് സാരംഗ്, ജോജി തോമസ്. പശ്ചാത്തല സംഗീതം അലവന് വര്ഗീസ്.
