സംവിധായകനും വിശ്വഹിന്ദു പരിഷത്ത് സംസ്ഥാന അദ്ധ്യക്ഷനുമായ വിജി തമ്പി സംവിധാനം ചെയ്യുന്ന അദ്ദേഹത്തിന്റെ കരിയറിലെ ആദ്യ പാൻ ഇന്ത്യൻ ചിത്രം ‘ജയ് ശ്രീറാം’ പോസ്റ്റർ റിലീസായി. സംവിധായകൻ തന്നെയാണ് തന്റെ ഫേസ് ബുക്ക് പേജിലൂടെ പോസ്റ്റർ പുറത്തിറക്കിയത്.
തകർന്ന കൊടിമരവും ക്ഷേത്രത്തിനും അഭിമുഖമായി നിൽക്കുന്ന രാമനാണ് പോസ്റ്ററിൽ. ചിത്രത്തിന്റെ രചന വിഷ്ണു വർദ്ധനനാണ് നിർവഹിക്കുന്നത്. പ്രദീപ് നായരും രവി മേനോനും ചേർന്ന് ചിത്രം നിർമ്മിക്കുന്നു. ‘എല്ലാവരുടെയും പിന്തുണയും പ്രാർഥനയും ചിത്രത്തിന് ഉണ്ടാകണം’ വിജി തമ്പി ഫേസ്ബുക്കിൽ കുറിച്ചു.
