ടൊവിനോ തോമസിനെ നായകനാക്കി ജിതിൻ ലാൽ സംവിധാനം ചെയ്യുന്ന ഫാന്റസി ചിത്രം ചിത്രം ‘എ. ആർ. എം’; മോഷൻ പോസ്റ്റർ പുറത്തിറങ്ങി. മൂന്ന് കഥാപാത്രങ്ങളായാണ് ചിത്രത്തിൽ ടൊവിനോ എത്തുന്നത്. പൂർണമായും ത്രീ ഡിയിൽ നിർമ്മിച്ചെടുത്ത ചിത്രമാണ് എ. ആർ. എം. മുൻപ് പുറത്തിറങ്ങിയ ടീസറിനും പോസ്റ്ററിനും ലഭിച്ച അതേ ഗംഭീര വരവേൽപ്പാണ് എ. ആർ. എം നും ലഭിച്ചിട്ടുള്ളത്. മലയാളം, തമിഴ്, തെലുങ്ക്, ഹിന്ദി, കന്നട തുടങ്ങിയ ഭാഷകളിലും സിനിമ തിയ്യേറ്ററുകളിൽ എത്തും.
മാജിക് ഫ്രയിംസിന്റെയും യു ജി എം മോഷൻ പികച്ചേഴ്സിന്റെയും ബാനറിൽ ലിസ്റ്റി സീഫൻ, ഡോ: സക്കറിയ തോമസ് എന്നിവർ ചേർന്ന് നിർമ്മിക്കുന്ന ചിത്രത്തിൽ മണിയൻ, അജയൻ, കുഞ്ഞികേളു എന്നീ കഥാപാത്രങ്ങളായാണ് ടൊവിനോ എത്തുന്നത്. സുജിത് നമ്പ്യാരുടേതാണ് തിരക്കഥ. ഐശ്വര്യ രാജേഷ്, സുരഭി ലക്ഷ്മി, കൃതി ഷെട്ടി, തുടങ്ങിയവരാണ് നായികമാരായി എത്തുന്നത്. ബേസിൽ ജോസഫ്, പ്രമോദ് ഷെട്ടി, ഹരീഷ് ഉത്തമൻ, ഹരീഷ് പേരടി, ജഗദീഷ്, രോഹിണി തുടങ്ങിയവർ പ്രധാന വേഷത്തിൽ എത്തുന്നു. ഛായാഗ്രഹണം ജോമോൻ ടി ജോൺ, എഡിറ്റിങ് ഷമീർ മുഹമ്മദ്.
