സോമന്‍റെ കൃതാവ് ഒക്ടോബറില്‍ തിയ്യേറ്ററിലേക്ക്

വിനയ് ഫോര്‍ട്ട് നായകനായി എത്തുന്ന സോമന്‍റെ കൃതാവ് ഒക്ടോബര്‍ 6- നു പ്രേക്ഷകരിലേക്ക് എത്തുന്നു. രോഹിത് നാരായണന്‍ സംവിധാനം ചെയ്യുന്ന ചിത്രം ഒരു കോമഡി എന്‍റര്‍ടൈനറാണ്. കുട്ടനാട്ടുകാരനായ ഒരു കൃഷിയോഫീസറുടെ വേഷത്തിലാണ് വിനയ് ഫോര്‍ട്ട് ചിത്രത്തില്‍ എത്തുന്നത്. വിവാഹത്തോടെ സോമന്‍റെ ജീവിത്തില്‍ നടക്കുന്ന സംഭവവികാസങ്ങളാണ് ചിത്രത്തിന്‍റെ ഇതിവൃത്തം. കക്ഷി അമ്മിണിപ്പിള്ള, ഡൈവോഴ്സ്, ഫേസ് തുടങ്ങിയ ചിത്രങ്ങളില്‍ അഭിനയിച്ച ഫറാ ശിബിലയാണ് നായികയായി എത്തുന്നത്. രോഹിത് നാരായണന്‍ സംവിധാനം ചെയ്യുന്ന ചിത്രത്തില്‍ സീമ ജി നായര്‍, മനു ജോസഫ്, നിയാസ് നര്‍മ്മകല, ജയന്‍ ചേര്‍ത്തല, തുടങ്ങിയവരും അഭിനയിക്കുന്നു. കൂടാതെ നിരവധി പുതുമുഖങ്ങളും ചിത്രത്തില്‍ എത്തുന്നുണ്ട്. രഞ്ജിത്ത് കെ. ഹരിദാസാണ്  ചിത്രത്തിന്‍റെ  തിരക്കഥയും സംഭാഷണവും. സംഗീതം പി എസ് ജയഹരി, എഡിറ്റിങ് ബിജീഷ് ബാലകൃഷ്ണന്‍.