ക്രിക്കറ്റ് ഇതിഹാസം മുത്തയ്യ മുരളീധരന്‍റെ ജീവിതകഥ വെള്ളിത്തിരയില്‍; മധുര്‍ മിത്തല്‍ സംവിധായകന്‍

ശ്രീലങ്കന്‍ ക്രിക്കറ്റ് ഇതിഹാസത്തില്‍ പ്രമുഖനായിരുന്ന മുത്തയ്യ മുരളീധരന്‍റെ ജീവിതകഥ സിനിമയാകുന്നു. ‘സ്ലം ഡോഗ് മില്യനയര്‍’ എന്ന ചിത്രത്തിലൂടെ ലോകത്തിന്‍റെ നിറുകയില്‍ എത്തിയ സംവിധായകന്‍ മധുര്‍ മിത്തല്‍ ആണ് ‘800’ എന്ന പേരില്‍ ചിത്രം പുറത്തിറക്കുന്നത്. എം എസ് ശ്രീപതിയുടേതാണ് കഥയും തിരക്കഥയും. ഹിന്ദി, തമിഴ്, തെലുങ്കു, ഭാഷകളിലായി പുറത്തിറങ്ങുന്ന ചിത്രത്തില്‍ മധി മലര്‍ എന്ന കഥാപാത്രമായി മഹിമ നമ്പ്യാര്‍ എത്തുന്നു. നരേന്‍, നാസര്‍, ഋതിക, വേല രാമമൂര്‍ത്തി, ഹരി കൃഷ്ണന്‍ തുടങ്ങിയവരും ചിത്രത്തില്‍ അഭിനയിക്കുന്നുണ്ട്. 133 ടെസ്റ്റുകളിലും 350 ഏകദിനങ്ങളിലും 12 ടി- 20 മല്‍സരങ്ങളിലും മുത്തയ്യ മുരളീധരന്‍ ശ്രീലങ്കയ്ക്ക് വേണ്ടി കളിച്ചിട്ടുണ്ട്. 1996-ല്‍ ശ്രീലങ്ക ലോകകപ്പ് വിജയം ചൂടിയപ്പോള്‍ ടീമിന്‍റെ ഭാഗമായിരുന്നു ഇദ്ദേഹം. ചെന്നൈ, ശ്രീലങ്ക, ഔസ്ട്രലിയ, ഇംഗ്ലണ്ട്, കൊച്ചി, എന്നിവിടങ്ങളില്‍ ചിത്രീകരണം പൂര്‍ത്തിയാക്കി.