ശ്രീനാഥ് ഭാസിയും ലുക് മാനും കേന്ദ്രകഥാപാത്രങ്ങളായി എത്തുന്ന കൊറോണ ധവാന് എന്ന ചിത്രത്തിന്‍റെ പ്രചരണാര്‍ത്ഥം ആലുവ യുസി കോളേജില്‍ എത്തി. പ്രതീക്ഷിച്ചതിനെക്കാള്‍ പ്രേക്ഷക സ്വീകാര്യതയാണ് തിയ്യേറ്ററുകളില്‍ കൊറോണ ധവാന് കിട്ടിക്കൊണ്ടിരിക്കുന്നത്. ചിത്രത്തിന്‍റെ വിജയകരമായ പ്രദര്‍ശനം തുടരുകയാണ്. തിയ്യേറ്ററുകളില്‍ രജനികാന്ത് ചിത്രം ജയിലര്‍ ഹൌസ് ഫുള്‍ ആയി ഓടുമ്പോഴും തൊട്ടടുത്തുള്ള കൊറോണ ധവാനും കാണുവാന്‍ ആളുകള്‍ എത്തുന്നുണ്ട്. സിനിമ റിലീസായി ഒരാഴ്ച പിന്നിടുമ്പോഴും മികച്ച പ്രേക്ഷക പിന്തുണയാണ് കാണുവാന്‍ കഴിയുന്നത്. ഹൌസ് ഫുള്‍ ഷോകളോടെയാണ് കോറോണ ധവാനും.
കൊറോണ ധവാന് ടീം ചിത്രത്തിന്‍റെ പ്രചരണത്തിനായി ആലുവ യു സി കോളേജില്‍ എത്തിയത് ഇപ്പോള്‍ വൈറലായി കൊണ്ടിരിക്കുന്നത്. കൂടാതെ വിദ്യാര്‍ഥികള്‍ കൊറോണ ധവാനിലെ പാട്ടില്‍ ശ്രീനാഥ് ഭാസിക്കൊപ്പം ചുവടുകള്‍ വച്ചു. കൊറോണ കാലത്തെ ലോക്ക് ഡൌണില്‍ മദ്യം കിട്ടാതെ വലഞ്ഞപ്പോള്‍ ഒരു വിഭാഗം ആളുകള്‍ നേരിട്ടുകൊണ്ടിരുന്ന മാനസിക- ശാരീരിക പ്രയാസങ്ങളെയാണ് ചിത്രത്തിലൂടെ അവതരിപ്പിക്കുന്നത്. ജയിംസ് ആന്‍ഡ് ജെറോം പ്രൊഡക്ഷന്‍സിന്‍റെ ബാനറില്‍ ജെയിംസും ജെറോമും ചേര്‍ന്ന് നിര്‍മിച്ച് നവാഗതനായ നിതിന്‍ സി സി സംവിധാനം ചെയ്ത ചിത്രമാണ് കൊറോണ ധവാന്. ആഗസ്ത് നാലിന് ചിത്രം തിയ്യേറ്ററുകളില്‍ എത്തിയിരുന്നു.
