കൊറിയയിലെ ബുച്ചൺ ഇൻറർനാഷണൽ ഫന്റാസ്റ്റിക് ഫിലിം ഫെസ്റ്റിവലിലേക്ക്(ബിഫാൻ) മലയാളത്തിൽ നിന്നുള്ള ‘മാർക്കോ’. തിയ്യേറ്ററുകളിൽ 100 ദിവസത്തോളം ഓടിയ ചിത്രം 100 കോടി ക്ലബ്ബ് കവിഞ്ഞിരുന്നു. കൂടാതെ ഇതരഭാഷകളിലേക്കും മാർക്കോ ശ്രദ്ധിക്കപ്പെട്ടു. കൂടാതെ ഒടിടി പ്ലാറ്റ്ഫോമായ സോണി ലൈവിലും സിനിമാ കയ്യടികൾ നേടി. ‘എ’ സർട്ടിഫിക്കറ്റ് ആയിരുന്നു സെൻസർ ബോർഡിൽ നിന്നും ചിത്രത്തിന് ലഭിച്ചത്.
ക്യൂബ്സ് എന്റർടയിമെന്റ്സിന്റെ ബാനറിൽ ഷെരീഫ് മുഹമ്മദ് നിർമ്മിച്ച് ഹനീഫ് അദേനി തിരക്കഥ എഴുതി ഉണ്ണി മുകുന്ദൻ പ്രധാനകഥാപാത്രമായി എത്തിയ ചിത്രമാണ് മാർക്കോ. ജഗദീഷ്, സിദ്ദിഖ്, കബീർ ദുഹാൻസിങ്, അഭിമന്യു തിലകൻ, ആൻസൺ പോൾ, യുക്തിതരേജ എന്നിവരും നിരവധി ബോളിവൂഡ് അഭിനേതാക്കളും ചിത്രത്തിൽ കഥാപാത്രമായി എത്തി. മലയാളത്തിലെ സമീപഭാവിയിൽ ഏറ്റവും ശ്രദ്ധേയമായ മാസ്സിവ്- വയലൻസ് ചിത്രമാണ് മാർക്കോ.
