കൊത്തയുടെ രാജാവ് എന്നാണ് ദുല്‍ഖറിന്‍റെ പുതിയ സിനിമയെ ആരാധകര്‍ വിളിക്കുന്നത്. സവിശേഷമായ പോസ്റ്ററുകള്‍ കൊണ്ടും പ്രൊമോഷന്‍ കൊണ്ടും തിളങ്ങി നില്‍ക്കുകയാണ് കിങ് ഓഫ് കൊത്ത. രാത്രിയില്‍ തിളങ്ങുന്ന പോസ്റ്ററുകള്‍ കൊണ്ട് പ്രൊമോഷന്‍ ഗംഭീരമാക്കിയിരിക്കുകയാണ് ചിത്രത്തിന്റെ അണിയറ പ്രവര്‍ത്തകര്‍. ദുല്‍ഖറിന്‍റെ വെഫെറര്‍ ഫിലിംസ് ആണ് ഇതരത്തിലുള്ള വ്യത്യസ്ത പോസ്റ്ററുകളുമായി കേരളത്തിലുടനീളം പതിപ്പിച്ചിരിക്കുന്നത്. ഇതില്‍ ഏറ്റവും കൂടുതല്‍ ശ്രദ്ധ നേടിയിരിക്കുന്നത് കിങ് കൊത്തയുടെ തൊപ്പികളും ടീഷര്‍ട്ടുകളുമാണ്. ചിത്രം ആഗസ്ത് 24- നു തിയ്യേറ്ററിലേക്ക് എത്തും.
കണ്ണന്‍ എന്ന കഥാപാത്രമായി തെന്നിന്ത്യയില്‍ ഡാന്‍സിങ് റോസ് എന്ന കഥാപാത്രത്തെ അവതരിപ്പിച്ചുകൊണ്ട് ശ്രദ്ധേയനായ ഷബീര്‍ കല്ലറയ്ക്കലും ചിത്രത്തില്‍ എത്തുന്നുണ്ട്. ചിത്രത്തില്‍ താര എന്ന കഥാപാത്രമായി ഐശ്വര്യ ലക്ഷ്മിയും ഷാഹുല്‍ ഹസ്സന്‍ എന്ന പോലീസ് ഉദ്യോഗസ്ഥനായി തമിഴ് നടന്‍ പ്രസന്നയും മഞ്ജുവായി നൈല ഉഷയും എത്തുന്നു.
ചെമ്പന്‍ വിനോദ്, ഷമ്മി തിലകന്‍, ശാന്തി കൃഷ്ണ, ചെന്നൈ ശരണ്‍, അനിഖ സുരേന്ദ്രന്‍, ഗോകുല്‍ സുരേഷ് തുടങ്ങിയവരാണ് മറ്റ് പ്രധാന കഥാപാത്രങ്ങള്‍. സംഗീത സംവിധാനം ജേക്സ് ബിജോയ്, ഷാന്‍ റഹ്മാന്‍ എന്നിവര്‍ നിര്‍വഹിക്കുന്നു. സംഘട്ടനം രാജശേഖറും ഛായാഗ്രഹണം നിമിഷ് രവിയും തിരക്കഥ അഭിലാഷ് എന്‍ ചന്ദ്രനും ഒരുക്കുന്നു. ഛായാഗ്രഹണം- നിമിഷ് രവി, സംഗീതം- ജേക്സ് ബിജോയ്, ഷാന്‍ റഹ്മാന്‍, എഡിറ്റിങ്- ശ്യാം ശശിധരന്‍.
