കാളിദാസ് ജയറാം നായകനായി എത്തുന്ന ചിത്രം രജനി നവംബർ 17- ന് തിയ്യേറ്ററുകളിലേക്ക് പ്രദർശനത്തിന് എത്തും. വിനിൽ സ്കറിയ തിരക്കഥ എഴുതി സംവിധാനം ചെയ്യുന്ന ചിത്രം ഒരു ഇൻവെസ്റ്റിഗേറ്റിവ് ക്രൈം ത്രില്ലർ ചിത്രമാണിത്. സൈജു കുറുപ്പ്, ലക്ഷ്മി ഗോപാലസ്വാമി, നമിത പ്രമോദ്, ശ്രീകാന്ത് മുരളി, റെബ മോണിക്ക ജോൺ, രമേശ് ഖന്ന, പൂ രാമു, വിൻസെന്റ് വടക്കൻ, ഷോൺ റോമി, കരുണാകരൻ, അശ്വിൻകുമാർ തുടങ്ങിയവരാണ് മറ്റ് കഥാപാത്രങ്ങളായി എത്തുന്നത്.
തമിഴിലും മലയാളത്തിലുമായി ഒരുങ്ങുന്ന ചിത്രം കൊച്ചിയിലും ചെന്നൈലുമായി ഷൂട്ടിങ് പൂർത്തിയാക്കി. പരസ്യമേഖലയിലെ പ്രമുഖരായ നവരസ ഗ്രൂപ്പ് നവരസഗ്രൂപ്പിന്റെ ബാനറിൽ ആദ്യമായി ഒരുക്കുന്ന ചിത്രം നിർമ്മിക്കുന്നത് ശ്രീജിത്ത് കെ എസും ബ്ലെസി എന്നിവർ ചേർന്നാണ്. എഡിറ്റിങ് ദീപു ജോസഫ്, സംഗീതം 4 മ്യൂസിക്സ്, ഛായാഗ്രഹണം ആർ. ആർ വിഷ്ണു.
