ഒന്‍പത് പുതുമുഖങ്ങളുമായി ‘ആട്ടം’ ഫസ്റ്റ് ലുക്ക് പോസ്റ്റര്‍ പുറത്തു വിട്ടു

ഒന്‍പത് പുതുമുഖങ്ങളുമായി ‘ആട്ടം’ എത്തുന്നു. ചിത്രത്തിന്‍റെ ഫസ്റ്റ് ലുക്ക് പോസ്റ്റര്‍ അണിയറ പ്രവര്‍ത്തകര്‍ പുറത്തുവിട്ടു. നവാഗത സംവിധായകനായ ആനന്ദ് ഏകര്‍ഷിയാണ് ചിത്രത്തിന്‍റെ സംവിധായകന്‍. ജോയ് മൂവീസിന്‍റെ ബാനറില്‍ ഡോ:  അജിത്ത് റോയ് നിര്‍മ്മിക്കുന്ന ഈ ചിത്രം ചേംബര്‍ ഡ്രാമ കാറ്റഗറിയില്‍ പെടുന്നതാണ്. നിറയെ സസ്പെന്‍സുകള്‍ നിറഞ്ഞ ചിത്രമാണ് ആട്ടം. നാഷണല്‍ ഫിലിം ഡെവലപ്മെന്‍റ് കോര്‍പ്പറേഷന്‍റെ ഫിലിം ബസാര്‍ ജൂറി അന്താരാഷ്ട്ര ഡെലിഗേറ്റുകള്‍ക്കായി തെരഞ്ഞെടുത്ത ഇരുപതു ചിത്രങ്ങളുടെ പട്ടികയില്‍ ആട്ടവും ഇടംനേടിയിരുന്നു.  ഒന്‍പത് പുതുമുഖങ്ങള്‍ അണിനിരക്കുന്ന ഈ ചിത്രത്തില്‍ സെറിന്‍ ശിഹാബ്, വിനയ് ഫോര്‍ട്, കലാഭവന്‍ ഷാജോണ്‍, നന്ദന്‍ ഉണ്ണിയും എത്തുന്നു.ചിത്രം ഒക്ടോബറില്‍ തിയ്യേറ്ററുകളില്‍ എത്തും.